فوتو: istockphoto.com
جانجالعا 49 جاستاعى ەر ادام ارالاسقان
توبەلەسكە 49 جاستاعى ەر ادام ارالاسىپ, ۇلىن قورعاۋ بارىسىندا ابايسىزدا اس ءۇي پىشاعىمەن جابىرلەنۋشىنىڭ سول جاق قۇلاق تۇسىنان دەنە جاراقاتىن سالعان. اتالعان دەرەك بويىنشا پوليتسيا «دەنساۋلىققا قاساقانا ورتاشا اۋىرلىقتاعى زيان كەلتىرۋ» بابى بويىنشا قىلمىستىق ءىس قوزعادى. قازىرگى ۋاقىتتا تەرگەۋ شارالارى جۇرگىزىلىپ جاتىر.
شۇعىل مەديتسينالىق كومەك كورسەتىلگەن
دەنساۋلىق ساقتاۋ باسقارماسىندا 2 قاڭتار كۇنى كەشكە قىزىلقوعا اۋداندىق اۋرۋحاناسىنا 2002 جىلى تۋعان ەر ادام سول جاق قۇلاق قالقانى مەن قۇلاق ماڭى ايماعىنىڭ تەرىسى سىدىرىلعان جاراقاتپەن جەتكىزىلگەنى ناقتىلاندى. زارداپ شەگۋشىنى مەديتسينالىق مەكەمەگە دوستارى الىپ كەلگەن.
دارىگەرلەر شۇعىل مەديتسينالىق كومەك كورسەتىپ, قان كەتۋدى توقتاتىپ, ءدارى-دارمەك جانە ينفۋزيالىق ەم تاعايىندادى. حيرۋرگتار جاراعا العاشقى حيرۋرگيالىق وڭدەۋ جۇرگىزدى.
«اق جايىق» مالىمەتىنشە, كەيىن ناۋقاس مامانداندىرىلعان مەديتسينالىق كومەك الۋ ءۇشىن وبلىستىق اۋرۋحاناعا جىبەرىلدى.
قۇلاق قالقانىنان ايىرىلعان
قازىرگى ۋاقىتتا ناۋقاستىڭ جاعدايى تۇراقتى, ول دارىگەرلەردىڭ باقىلاۋىندا جانە ەمىن جالعاستىرىپ جاتىر. ءباسپاسوز قىزمەتىنىڭ مالىمەتىنشە, دابىل جارعاعى زاقىمدانباعان, ەستۋ قابىلەتى ساقتالعان, الايدا جاس جىگىت قۇلاق قالقانىنان ايىرىلعان.
