دەرەككوز مالىمەتىنشە, قفف باسشىلىعى قازاقستاندىق مامان تالعات بايسۋفينوۆتىڭ ۇلتتىق قۇرامانىڭ تىزگىنىن ءارى قاراي دا ۇستاۋىن قولداپ وتىر. تاراپتار اراسىنداعى شەشۋشى كەزدەسۋ كەلەسى اپتادا وتەدى دەپ جوسپارلانعان. تاجىريبەلى باپكەرگە ۇلتتار ليگاسىنىڭ ماتچتارى اياقتالعانعا دەيىن كەلىسىمشارت ۇسىنىلماق.
ەسكە سالايىق, 57 جاستاعى مامان قازاقستان قۇراماسىنا بۇعان دەيىنگى باس باپكەر الي اليەۆ وتستاۆكاعا كەتكەننەن كەيىن قايتا ورالعان. ءبايسۋفينوۆتىڭ جەتەكشىلىگىمەن ۇلتتىق كوماندا 2026 جىلعى الەم چەمپيوناتىنا ىرىكتەۋ اياسىندا ءۇش ماتچ وتكىزىپ, بەلگيا, ليحتەنشتەين جانە سولتۇستىك ماكەدونياعا قارسى كەزدەسۋلەردە 5 ۇپاي جينادى.
