ەكونوميكالىق ايماقتار ەركىن داميدى

كەشە ورتالىق كوممۋنيكاتسيالار قىزمەتىندە «KAZNEX INVEST» اق باسقارما توراعاسىنىڭ ورىنباسارى الماس ايداروۆ ەلىمىزگە كەلىپ جاتقان ينۆەستيتسيالارعا قاتىستى ءباسپاسوز ءماسليحاتىن وتكىزدى. ارنايى ەكونوميكالىق ايماقتاردىڭ قىزمەتى جونىندە اڭگىمەلەپ, وندا ورىن الىپ جاتقان وزگەرىستەر تۋرالى ايتتى. مەملەكەت باسشىسىنىڭ سالا­عا قاتىستى جۇكتەگەن تاپسىر­ما­­لا­­رى­نىڭ ورىندالۋ بارىسىن جەت­­كىزگەن توراعا ورىنباسارى ەلى­مىزدى يندۋستريالاندىرۋ باعدار­لاما­سىنىڭ جۇزەگە اسىرىلۋىن باياندادى. «يندۋستريالىق-يننوۆاتسيالىق دامۋدىڭ مەم­لەكەت­تىك باعدارلاماسىنىڭ ءبىرىن­شى بەسجىلدىعىندا اەا ينفرا­قۇرىلىمىنا بۇعان دەيىنگى 9 جىلمەن سالىستىرعان مەملەكەتتىك ينۆەستيتسيا 2 ەسەگە كوپ سالىندى. ناقتى ساندارعا سۇيەنىپ ايتار بولساق, بۇل يگى ىسكە 148,3 ملرد. تەڭگە تارتىلىپتى. مامانداردىڭ سوزىنە يلانساق, وسىناۋ شارا ينۆەستورلاردىڭ بەلسەندى ارەكەت ەتۋىنە ءوز اسەرىن تيگىزگەن. ءسويتىپ, الدىڭعى 9 جىلمەن سالىستىرعاندا ينۆەستيتسيا 7,5 ەسەگە دەيىن كوپ تارتىلىپ, 336,1 ملرد. تەڭگەنى قۇرادى. ناتيجەسىندە ءوندىرىس كولەمى 5 ەسە­گە ءوسىپ, 677,7 ملرد. تەڭگەگە جەت­تى. ال جۇمىس ورىندارىنىڭ سانى 4,5 ەسەگە كوبەيىپ, 7433 ادام تۇراقتى جۇمىسپەن قامتىلدى»,  دەدى ا.ايداروۆ. جالپى ارنايى ەكونوميكالىق ايماقتاردى دامىتۋ كەزەڭ-كەزە­ڭى­مەن ءجۇرىپ جاتىر ەكەن. قازىرگى كەزدە جۇزەگە اسىرىلعان 126 جوبانىڭ 111-ءى جوبالىق قۋاتتىلىعى بو­يىنشا 50 پايىزدان اسىپ ۇلگەرىپتى. جاقىن ارادا جالپى سوماسى 2,3 ترلن. تەڭگەنىڭ 50 جوباسىن پايدالانۋعا بەرۋ كوزدەلىپ تۇر. وسى­عان وراي ارنايى ايماقتاردا قوسىمشا 17 مىڭ تۇراقتى جۇمىس ورنى قۇرىلادى. وسى جاعىمدى جاڭالىقتارعا توقتالعان سپيكەر, ۇدە­مەلى يندۋستريالىق-يننوۆا­تسيالىق مەملەكەتتىك دامۋ باع­دارلاماسىنىڭ العاشقى بەسجىل­دىعىندا ەل اۋماعىندا تاعى 4 جاڭا ارنايى ەكونوميكالىق ايماق سالىنعانىن اتاپ ايتتى. ولار – «سارىارقا», «پاۆلودار», «تاراز حيميالىق پاركى», «قورعاس – شىعىس قاقپاسى». قازىرگى تاڭدا ايماقتار اۋماعىندا ينفراقۇرىلىمدىق جۇمىستار قىزۋ جالعاسىن تاۋىپ جاتىر. وزگە دە ارنايى ايماقتاردىڭ جۇمىسى جونىندە ايتىپ وتكەن توراعا ورىنباسارى سالاعا قاتىستى زاڭناما جەتىلدىرىلىپ, بىرقاتار تۇزەتۋلەر مەن تولىقتىرۋلار ەنگىزىلگەنىن جەتكىزدى. قوعامنىڭ جاڭا ۇسىنىسى ۇكىمەتتەن قولداۋ تاۋىپ, قازىرگى كەزدە پارلامەنت ءماجىلىسىنىڭ قاراۋىنا ءتۇسىپتى. «بۇل زاڭ قابىلدانار بولسا, وسى باعىتتا قىزمەت ەتىپ جۇرگەن كوپتەگەن مەكەمەلەردىڭ قىزمەتى ۇيلەستىرىلىپ, جۇمىس بارىسى ءبىر ورتالىقتان جۇيەلەنىپ وتىرىلاتىن بولادى. قازىرگى كۇندە ءار ايماقتىڭ ءوز اكىمشىلىگى بار. ارقايسىسى ءوز بىلۋىمەن جۇمىس ىستەپ كە­لەدى. ءبىزدىڭ پايىمىمىز بويىن­شا بۇل تىرلىك اسا ءتيىمدى ەمەس. ماسە­لەن, ءبىزدىڭ ۇسىنىسىمىز ىسكە اسىرىلىپ جاتسا, ءبىر ايماقتىڭ قىزمەتكەرلەرى جۇمىستى ءتيىمدى جۇرگىزۋ ءادىسىن وزىق ەلدەردەن ۇيرەنىپ كەلسە, ول تاجىريبەسىن وزگە دە ارىپتەستەرىمەن بولىسەدى. ءسويتىپ, ارقايسىسىنىڭ شەتەل ماماندارىنا جۇگىنۋىنە قاجەتتىلىك بولماي, مەملەكەت اقشاسى ۇنەمدەلەتىن بولادى. جاڭا باسقارۋ جۇيەسىنىڭ وسىعان ۇقساس بىرنەشە ءتيىمدى تۇستارى بار», دەدى ول. ارنايى ەكونوميكالىق ايماق­تاردىڭ جۇمىسىنا ەركىن جانە ارنايى ايماقتاردى باسقارۋ مەن كە­ڭەس بەرۋدە كوپجىلدىق ءتاجىري­بەسى بار الەمدەگى ءىرى كومپانيالاردى تارتۋ دا كوزدەلىپ وتىر ەكەن. «ارنايى ەكونوميكالىق ايماقتاردىڭ جۇمىسىنا ەركىن جانە ارنايى ايماقتاردى باسقارۋ مەن كەڭەس بەرۋدە كوپجىلدىق تاجىريبەسى بار الەمدەگى ءىرى كومپانيالاردى تارتۋدى ماقسات ەتتىك. مىسالى, بىلتىر «Jurong Consultants» حالىقارالىق كومپانياسىنىڭ قاتىسۋىمەن «پيت» ارنايى ەكونوميكالىق ايماعىندا وزىق جوبا رەتىندە باسقارۋ ۇلگىسىن دايىنداي باستادىق. بۇل باعىتتاعى جۇمىس جالعاسىپ جاتىر», دەگەن ا.ايداروۆ, وتاندىق اەا جۇمىستارىنا, سونداي-اق, DP World, Shamrock, Tony Blair Associates, IDI, FEMOZA سياقتى كومپانيالاردىڭ تاجىريبەلەرى دە تارتىلىپ جاتقانىن ايتتى. نۇرباي ەلمۇراتوۆ, «ەگەمەن قازاقستان».