«سوڭعى تاۋلىكتىڭ دەرەكتەرىنە سايكەس, پلانەتاداعى ەڭ تومەن تەمپەراتۋرا ياكۋتياداعى يەما مەتەوستانتسياسىندا تىركەلدى, وندا اۋا تەمپەراتۋراسى مينۋس 53,1 گرادۋسقا دەيىن تومەندەدى», دەدى تاسس اگەنتتىگى.
1 قاڭتارداعى اۋا رايى ەكسترەمۋمدارى رەيتينگىسىندە ەكىنشى ورىندا ماگادان وبلىسىنداعى ەلگەن اۋىلى تۇر, مۇندا اياز 51 گرادۋسقا دەيىن كۇشەيدى. ءۇشىنشى ورىندا ياكۋتياداعى ويمياكون مەتەوستانتسيا دەرەكتەرى بويىنشا تەمپەراتۋرا مينۋس 50,6 گرادۋسقا دەيىن ءتۇستى.
ال ىستىق اۋا رايىنا كەلسەك, بۇل كورسەتكىش بويىنشا الەمدە ءبىرىنشى ورىندى كامەرۋنداعى گارۋا قالاسى يەلەندى – اۋا تەمپەراتۋراسى پليۋس 40,4 گرادۋسقا جەتتى.
سينوپتيكتەردىڭ مالىمەتىنشە, ەكىنشى ورىندا اۆسترالياداعى پورت-حەدلەند قالاسى, مۇندا اۋا پليۋس 39,8 گرادۋسقا دەيىن جىلىندى.
ءۇشىنشى ورىندا توگونىڭ مانگو قالاسى, وندا اۋا تەمپەراتۋراسى پليۋس 39,5 گرادۋسقا دەيىن كوتەرىلدى.
