فوتو: istockphoto.com
رەسەي عىلىم اكادەمياسى عارىشتىق زەرتتەۋلەر ينستيتۋتىنىڭ كۇن استرونومياسى زەرتحاناسى عالىمدارىنىڭ مالىمەتىنشە, 31 جەلتوقساندا كۇن بەتىندە م7.1 دەڭگەيىندەگى ايتارلىقتاي قۋاتتى جارقىل بولعان. ءدال وسى قۇبىلىس الداعى گەوماگنيتتىك بەلسەندىلىكتىڭ سەبەبى بولىپ وتىر. جارقىل جەرگە باعىتتالعان ماتەريانىڭ بولىنۋىمەن ۇلاستى.
«داۋىلدىڭ دەڭگەيى G2 (ورتاشا) بولادى دەپ بولجانىپ وتىر. دەسە دە, ونىڭ G3 جانە ودان جوعارى دەڭگەيگە دەيىن كۇشەيۋ ىقتيمالدىعى شامامەن 30%-دى قۇرايدى», دەلىنگەن زەرتحانا حابارلاماسىندا.
بولجامدىق كارتالارعا سايكەس, ماگنيتتىك داۋىل 3 قاڭتارعا سايكەس كەلەدى. ءدال وسى كۇنى گەوماگنيتتىك تولقۋلاردىڭ بولۋ ىقتيمالدىعى 90%-عا جۋىق.
دەگەنمەن عالىمدار جاڭاجىلدىق دەمالىس كۇندەرىنىڭ قالعان بولىگىندە جاعداي تۇراقتى بولاتىنىن ايتادى.
«الداعى بىرنەشە كۇندى ەسەپكە الماعاندا, ايدىڭ ءبىرىنشى جارتىسى نەگىزىنەن تىنىش بولادى. گەوماگنيتتىك احۋالدى تەك كۇن بەتىندەگى جاڭا قۋاتتى جارقىلدار عانا وزگەرتۋى مۇمكىن», دەپ ناقتىلادى ماماندار.
