فوتو: AFP
23 جەلتوقساندا ىسكە قوسىلعان بۇل جوبا قازىردىڭ وزىندە ەلدەگى مىڭنان استام مەكەمەگە قولجەتىمدى. جۇيەنىڭ باستى ەرەكشەلىگى – ول ادامنىڭ تۇراقتى باقىلاۋىنسىز جۇمىس ىستەيدى. جي تابيعي تىلدەگى كوماندالاردى تىكەلەي ءتۇسىنىپ, ەسەپتەۋ رەسۋرستارىن بولەدى, سيمۋلياتسيالار جۇرگىزەدى, دەرەكتەردى تالدايدى جانە دايىن عىلىمي ەسەپتەردى دايىندايدى.
جوبانىڭ تەحنيكالىق مۇمكىندىكتەرى
جۇيە قىتايدىڭ ۇلتتىق سۋپەركومپيۋتەرلىك جەلىسىنە (SCNet) قوسىلعان. بۇل ينفراقۇرىلىم بۇكىل ەل بويىنشا 30-دان استام سۋپەركومپيۋتەرلىك ورتالىقتى بىرىكتىرەدى.
وسىنىڭ ارقاسىندا جوبا كەلەسى سالالاردا 100-گە جۋىق عىلىمي جۇمىس پروتسەسىن قولداي الادى:
- ماتەريالتانۋ;
- بيوتەحنولوگيا;
- ونەركاسىپتىك جاساندى ينتەللەكت.
اقش پەن قىتاي اراسىنداعى تەحنولوگيالىق باسەكەلەستىك
قىتايلىق جي جۇيەسىنىڭ ىسكە قوسىلۋى اقش پرەزيدەنتى دونالد ترامپتىڭ «Genesis ميسسياسىن» (Mission Genesis) جاريالاعانىنا ءبىر اي تولعاندا جۇزەگە اسىپ وتىر. ەستەرىڭىزگە سالا كەتەيىك, «Genesis» – عىلىمدا جاساندى ينتەللەكتىنى قولدانۋعا باعىتتالعان, ماڭىزى جاعىنان «جي-مانحەتتەن جوباسىمەن» تەڭەستىرىلەتىن اۋقىمدى امەريكالىق باستاما.
ەكى باعدارلامانىڭ باستى ايىرماشىلىعى:
اقش: «Genesis ميسسياسى» العاشقى ناتيجەلەردى كورسەتۋ ءۇشىن قاتاڭ مەرزىمدەر بەلگىلەپ, پلاتفورما قۇرۋدى ەندى عانا جوسپارلاپ وتىر.
قىتايلىق جۇيە قازىردىڭ وزىندە ءىس جۇزىندە ەنگىزىلىپ, پايدالانۋشىلارعا تولىق قولجەتىمدى بولىپ وتىر.
