يلليۋستراتسيا: اشىق دەرەككوز
ايەلگە بۇزاقىلىق دەرەگى بويىنشا ايىپ تاعىلدى. اتاپ ايتقاندا, ول اۋە كەمەسىنىڭ بورتىندا قوعامدىق ءتارتىپتى ورەسكەل بۇزىپ, قوعامعا اشىق تۇردە قۇرمەتسىزدىك تانىتىپ, ازاماتتارعا كۇش قولدانعانى ءۇشىن جاۋاپقا تارتىلدى.
سوتتا انىقتالعانداي, جولاۋشى ۇشاق ىشىندە كورسەتىلگەن قىزمەتكە نارازىلىق ءبىلدىرىپ, بورتسەرىكتەرگە كۇش قولدانعان. الايدا ولاردىڭ دەنساۋلىعىنا زيان كەلمەگەن.
سوتتالۋشىنىڭ كىناسى ءوز ايعاقتارىمەن, جابىرلەنۋشىلەردىڭ كورسەتۋلەرىمەن جانە تاراپتار داۋ ايتپاعان قىلمىستىق ءىس ماتەريالدارىمەن تولىق دالەلدەنگەن. ايەل كىناسىن تولىق مويىنداپ, كەشىرىم سۇراعان ءارى جازانى باس بوستاندىعىنان ايىرماي تاعايىنداۋدى وتىنگەن.
سوت شەشىمىمەن وعان ءتورت جىلعا باس بوستاندىعىن شەكتەۋ جازاسى بەلگىلەندى. سونىمەن قاتار سوت ايەلدى ەسىرتكىگە تاۋەلدىلىكتەن ءماجبۇرلى ەمدەۋگە جىبەرىپ, ەكى جابىرلەنۋشىنىڭ پايداسىنا 2 ملن تەڭگە مورالدىق زيان وتەماقىسىن, سونداي-اق مەملەكەت كىرىسىنە پروتسەسسۋالدىق شىعىنداردى ءوندىرىپ الۋدى مىندەتتەدى.
ۇكىم ازىرگە زاڭدى كۇشىنە ەنگەن جوق.
