فوتو: قورعانىس مينيسترلىگى
قازىرگى زامانعى قاقتىعىستار تاجىريبەسىنە نەگىزدەلگەن
وفيتسەرلەر تسيفرلىق بايلانىس قۇرالدارىن قولدانۋ بويىنشا تەوريالىق جانە پراكتيكالىق داعدىلاردى يگەردى. وقۋ باعدارلاماسى قازىرگى زامانعى جەرگىلىكتى قاقتىعىستار تاجىريبەسىنە نەگىزدەلىپ ازىرلەندى.
ساباقتارعا قانداي ماماندار تارتىلدى؟
ساباقتارعا ينستيتۋتتىڭ بەيىندى كافەدرالارىنىڭ وقىتۋشىلىق قۇرامى, سونداي-اق تاكتيكا, اقپاراتتىق تەحنولوگيالار, راديوەلەكتروندى بارلاۋ جانە راديوەلەكتروندى كۇرەس سالاسىنداعى ماماندار تارتىلدى. كافەدراارالىق ءتاسىل بايلانىس ۇيىمداستىرۋدى بولىمشەلەردى باسقارۋ مىندەتتەرىمەن بايلانىستى قاراستىرۋعا مۇمكىندىك بەردى.
«كۋرستىق دايىندىق تسيفرلىق بايلانىس قۇرالدارىن ۇيىمداستىرۋ مەن قولدانۋ بويىنشا پراكتيكالىق داعدىلاردى مەڭگەرۋگە مۇمكىندىك تۋعىزدى. العان بىلىمدەرىم كۇندەلىكتى قىزمەتىمدە وتە پايدالى بولاتىنىنا سەنىمدىمىن», دەدى كۋرس تىڭداۋشىسى كاپيتان ارمان اشىراقىنوۆ.
وقۋ كۋرسىنىڭ ناتيجەسىندە قاتىسۋشىلارعا سەرتيفيكاتتار مەن العىس حاتتار تابىس ەتىلدى. ۇيىمداستىرۋشىلار وقۋ باعدارلاماسى بايلانىس بولىمشەلەرىنىڭ جاۋىنگەرلىك دايىندىق دەڭگەيىن ارتتىرۋعا باعىتتالعانىن جانە الداعى ۋاقىتتا جۇيەلى تۇردە وتكىزىلەتىنىن مالىمدەدى.
