فوتو: استانا اكىمدىگى
استانا قالاسىنىڭ توتەنشە جاعدايلار دەپارتامەنتىنىڭ مالىمەتىنشە, اۋا رايىنىڭ كۇرت جىلىنۋى سالدارىنان ەسىل وزەنىندەگى مۇزدىڭ قالىڭدىعى جۇقارعان. قازىرگى ۋاقىتتا وزەن ارناسىنداعى مۇزدىڭ قالىڭدىعى 22 سانتيمەتردى قۇرايدى, ال كەيبىر ۋچاسكەلەردە (ورتالىق جاعاجاي اۋماعىندا) 35–37 سانتيمەترگە جەتەدى.
وسىعان بايلانىستى جاڭا جىل مەرەكەلەرى كەزەڭىندە تۇرعىندار قاۋىپسىزدىك ماقساتىندا وزەن ۇستىنە شىقپاعانى ءجون. سونداي-اق ەسىل جاعالاۋىنداعى مۇز ايدىنى مەن سىرعاناقتاردىڭ جۇمىسى ۋاقىتشا توقتاتىلدى.
مۇزدىڭ قالىڭدىعى توتەنشە جاعدايلار دەپارتامەنتى بەلگىلەگەن نورماتيۆتىك دەڭگەيگە جەتكەننەن كەيىن اتالعان نىساندار قايتادان پايدالانۋعا بەرىلەدى.
ايتا كەتەيىك, قالا تۇرعىندارىنىڭ قاۋىپسىز ءجۇرۋىن قامتاماسىز ەتۋ ءۇشىن جولدارعا, تروتۋارلار مەن كوشەلەرگە تاۋلىك بويى تەحنيكالىق تۇز سەبىلىپ جاتىر.
جاڭا جىل مەرەكەسى قارساڭىندا استانا مەن الماتىدا قانداي ءىس-شارالار وتەدى؟
استانا قالاسىنىڭ اكىمدىگى قالا تۇرعىندارى مەن قوناقتارىن قاۋىپسىزدىك تالاپتارىن ساقتاۋعا, جولدار مەن تروتۋارلاردا بارىنشا ساق بولۋعا, سونداي-اق قولايسىز اۋا رايى كەزىندە الىس ساپارلارعا شىقپاۋعا شاقىرادى.
