ەڭ كوپ شاقىرتۋ الماتى قالاسىندا, تۇركىستان وبلىسىندا جانە استانادا تىركەلگەن.
شاقىرتۋلاردىڭ نەگىزگى ۇلەسى مىنا اۋرۋ تۇرلەرىنە تيەسىلى بولدى:
– تىنىس الۋ جۇيەسى اۋرۋلارى – 1 778 189 (23,8%);
– جۇرەك-قان تامىرلارى اۋرۋلارى – 1 434 483 (19,2%);
– وزگە اۋرۋلار – 1 249 223 (16,7%);
– جاراقاتتار, ۋلانۋلار جانە جازاتايىم وقيعالار – 735 183 (9,8%), ونىڭ ىشىندە جول-كولىك وقيعالارى – 40 972;
– جۇيكە جۇيەسى اۋرۋلارى – 714 915 (9,6%).
ەسەپتى كەزەڭ قورىتىندىسى بويىنشا ءساتتى رەانيماتسيا كورسەتكىشى 8,2%-عا ءوسىپ, 60,3%-دى قۇرادى. جەدەل ساناتتاعى شاقىرتۋدى بريگاداعا بەرۋ ۋاقىتى ورتا ەسەپپەن 1,7 مينۋت, ال ءبىرىنشى شۇعىل ساناتى بويىنشا جەتۋ ۋاقىتى 8,8 مينۋت بولدى.
جاراقاتتارعا بايلانىستى 685 503 شاقىرتۋ, سونىڭ ىشىندە 40 972-ءسى جول-كولىك وقيعالارى بويىنشا تىركەلگەن. جكو سالدارىنان 52 097 ادام زارداپ شەككەن, ولاردىڭ 64,3%-ى اۋرۋحاناعا جەتكىزىلگەن. قازا تاپقانداردىڭ ۇلەسى زارداپ شەككەندەردىڭ 2,4%-ىن قۇرادى. جكو كەزىندە جەدەل جاردەمنىڭ ورتاشا جەتۋ ۋاقىتى – 8 مينۋت.
جەدەل ميوكارد ينفاركتىسى بويىنشا 27 378 شاقىرتۋعا قىزمەت كورسەتىلىپ, كورسەتىلىم بولعان جاعدايلاردىڭ 89,9%-ىندا ترومبوليتيكالىق تەراپيا جۇرگىزىلگەن. ينسۋلت بويىنشا 52 207 شاقىرتۋ تىركەلدى. ناۋقاستاردى ينسۋلت ورتالىقتارىنا بەلگىلەنگەن مەرزىمدە جەتكىزۋ كورسەتكىشى قالادا 97,9%, اۋىلدىق جەرلەردە 88,5% بولدى.
قازىرگى تاڭدا ەل بويىنشا ءبىر اۋىسىمدا 1 618 جەدەل جاردەم بريگاداسى جۇمىس ىستەيدى. ونىڭ 258-ءى دارىگەرلىك, 1 360-ى فەلدشەرلىك بريگادالار. جەدەل جاردەم قىزمەتىنىڭ كادرمەن قامتىلۋ دەڭگەيى 86,8%, ونىڭ ىشىندە دارىگەرلەرمەن – 74,8%, ورتا بۋىن مەديتسينا قىزمەتكەرلەرىمەن – 88,1%.
