ماريا حادجيەۆا بۇل قىزمەتكە 2019 جىلدىڭ 26 جەلتوقسانىندا تاعايىندالعان ەدى.
ول ەڭبەك جولىن 1995 جىلى ادىلەت مينيسترلىگىنىڭ باس زاڭناما باسقارماسىنىڭ كونستيتۋتسيالىق جانە الەۋمەتتىك-مادەني زاڭناما ءبولىمىنىڭ جەتەكشى كونسۋلتانتى لاۋازىمىنان باستاعان.
باعالى قاعازدار نارىعىنداعى قىزمەتىن 2000 جىلى ۇلتتىق بانكتىڭ زاڭ دەپارتامەنتى باعالى قاعازدار نارىعىن جانە جيناقتاۋشى زەينەتاقى قورلارىن رەتتەۋدى قۇقىقتىق قامتاماسىز ەتۋ باسقارماسىنىڭ باس مامانى لاۋازىمىنان باستاعان.
2006 جىلعى قاراشا–2008 جىلعى مامىر ارالىعىندا قارجى نارىعى مەن قارجى ۇيىمدارىن رەتتەۋ جانە قاداعالاۋ اگەنتتىگىنىڭ باعالى قاعازدار نارىعىنىڭ سۋبەكتىلەرىن جانە جيناقتاۋشى زەينەتاقى قورلارىن قاداعالاۋ دەپارتامەنتى ديرەكتورىنىڭ ورىنباسارى بولىپ جۇمىس ىستەدى. 2008 جىلعى مامىردا دەپارتامەنت ديرەكتورى لاۋازىمىنا تاعايىندالىپ, 2011 جىلعا دەيىن جۇمىس ىستەدى.
2011 جىلدان باستاپ ۇلتتىق بانكتىڭ قارجى نارىعىن جانە قارجى ۇيىمدارىن باقىلاۋ مەن قاداعالاۋ كوميتەتى توراعاسىنىڭ ورىنباسارى بولعان.
2014 جىلدان باستاپ ۇلتتىق بانكتىڭ باعالى قاعازدار نارىعىنىڭ سۋبەكتىلەرىن قاداعالاۋ دەپارتامەنتىنىڭ ديرەكتورى لاۋازىمىن اتقاردى. ودان كەيىن 2016 جىلى باعالى قاعازدار نارىعى دەپارتامەنتىن باسقاردى. 2017 جىلى «باعالى قاعازداردىڭ بىرىڭعاي تىركەۋشىسى» اق باسقارماسى توراعاسىنىڭ ورىنباسارى لاۋازىمىنا تاعايىندالىپ, ءبىر جىلدان كەيىن وعان باسشىلىق ەتتى.
ءتۇرلى جىلدارى «كازكوممەرتس سەكيۋريتيز», «باعالى قاعازداردىڭ ورتالىق دەپوزيتاريى», «باعالى قاعازداردىڭ بىرىڭعاي تىركەۋشىسى», «ساقتاندىرۋ تولەمدەرىنە كەپىلدىك بەرۋ قورىنىڭ», قازاقستان قور بيرجاسىنىڭ ديرەكتورلار كەڭەسىنىڭ قۇرامىنا كىردى.
