فوتو: pinterest.com
تەكسەرۋ بارىسىندا مۇنايلى اۋداندىق پروكۋراتۋراسى اۋرۋحانانىڭ 1040 قىزمەتكەرىنىڭ ەڭبەك قۇقىقتارى بۇزىلعانىن انىقتادى. اتاپ ايتقاندا, 2025 جىلعى قازان ايى ءۇشىن جالاقى بەلگىلەنگەن مەرزىمدە تولەنبەگەن.
قاداعالاۋ ورگانىنىڭ قابىلداعان شارالارىنىڭ ناتيجەسىندە مەديتسينالىق مەكەمە قىزمەتكەرلەر الدىنداعى 273 ملن تەڭگەدەن استام جالاقى قارىزىن تولىق وتەدى. وسىلايشا جۇمىسشىلاردىڭ كونستيتۋتسيالىق قۇقىقتارى قالپىنا كەلتىرىلدى.
باس پروكۋراتۋرانىڭ مالىمەتىنشە, ازاماتتاردىڭ ەڭبەك جانە الەۋمەتتىك قۇقىقتارىن قورعاۋ قاداعالاۋ ورگاندارى قىزمەتىنىڭ باسىم باعىتتارىنىڭ ءبىرى بولىپ قالا بەرەدى.
ايتا كەتەيىك, بۇعان دەيىن شەنەۋنىكتەردىڭ سالعىرتتىعى سالدارىنان ماڭعىستاۋ وبلىسىندا 100 مىڭنان استام تۇرعىن, ونىڭ ىشىندە الەۋمەتتىك وسال ساناتقا جاتاتىن ازاماتتار تۇرعىن ءۇي جەڭىلدىكتەرىنەن قاعىلعانى حابارلانعان ەدى. وڭىرلىك پروكۋراتۋرا قابىلداعان شارالاردىڭ ناتيجەسىندە مەملەكەتتىك قولداۋعا مۇقتاج ازاماتتاردىڭ بۇزىلعان قۇقىقتارى دا قالپىنا كەلتىرىلگەن.
