جاڭا مەديتسينالىق كەشەن قۇرامىنا 200 توسەك-ورىنعا ارنالعان ستاتسيونار جانە ءبىر اۋىسىمدا 500 ادامدى قابىلداي الاتىن ەمحانا كىرەدى. جوبانىڭ جالپى قۇنى 34,8 ملرد تەڭگەنى قۇرادى. باس مەردىگەر ۇيىم – «ەلحون» جشس. نىسان پايدالانۋعا قابىلداندى.
شقو اكىمى اتاپ وتكەندەي, بۇعان دەيىن اۋرۋحانانىڭ نەگىزگى كورپۋستارى, ونىڭ ىشىندە پەدياتريالىق بولىمشە 80 جىلدان استام ۋاقىت بۇرىن سالىنعان. قازىرگى تاڭدا جاڭارتىلعان كەشەن زاماناۋي تالاپتارعا ساي كوپسالالى مەديتسينالىق مەكەمە رەتىندە قىزمەت كورسەتەدى. مۇندا تەك ريددەر قالاسىنىڭ تۇرعىندارى عانا ەمەس, جاقىن ماڭداعى ەلدى مەكەندەردىڭ حالقى دا مەديتسينالىق كومەك الا الادى.
اۋرۋحانا كەشەنىنىڭ قۇرىلىسى «زاڭسىز يەمدەلگەن اكتيۆتەردى مەملەكەتكە قايتارۋ تۋرالى» زاڭ اياسىندا بولىنگەن قاراجات ەسەبىنەن جۇرگىزىلدى.
جالپى اۋدانى 40 مىڭ شارشى مەتردەن اساتىن ۇشقاباتتى عيمارات قاجەتتى مەديتسينالىق قۇرال-جابدىقتارمەن تولىق قامتاماسىز ەتىلگەن.
كەشەن قۇرىلىمىندا تاۋلىك بويى جۇمىس ىستەيتىن ستاتسيونار, كۇندىزگى ءبولىم, پاللياتيۆتىك كومەك, كونسۋلتاتيۆتىك-دياگنوستيكالىق جانە العاشقى مەديتسينالىق-سانيتاريالىق كومەك كورسەتۋ قىزمەتتەرى قاراستىرىلعان.
قازىرگى ۋاقىتتا ءتيىستى قۇجاتتاردى راسىمدەۋ جۇمىستارى اياقتالۋ ساتىسىندا. وسى راسىمدەر تولىق اياقتالعاننان كەيىن كوپسالالى اۋرۋحانا كەشەنى تۇرعىنداردى قابىلداي باستايدى.
