كەيىنگى جىلدارى مۇنايلى شاھاردا جاڭادان وركەن, جۇلدىز-1, جۇلدىز-2, جۇلدىز-3, كوكتەم, قاينار, بايتاق, سامال سەكىلدى جاڭا شاعىن اۋداندار بوي كوتەردى. سونداي-اق بۇرىن ماحامبەت اۋدانىنىڭ اكىمشىلىك بولىنىسىندە بولعان بەرەكە, المالى اۋىلدارى شاھار ماڭىنداعى ەلدى مەكەندەر قۇرامىنا قوسىلدى.
وبلىس اكىمى سەرىك شاپكەنوۆتىڭ دەرەگىنە قاراعاندا, تاعى دا جەتى جاڭا ەلدى مەكەننىڭ جوسپارى جاساقتالىپ جاتىر. جاڭادان بوي كوتەرەتىن اۋىلداردا 7 مىڭ 84 جەر تەلىمى ينفراقۇرىلىم جوباسىمەن قامتىلادى.
«سامال شاعىن اۋدانىندا 172 جەر تەلىمىنە ارنالعان ينجەنەرلىك جەلىلەردىڭ قۇرىلىسى جۇرگىزىلىپ جاتىر. بۇل جۇمىستى 2026 جىلدىڭ ءۇشىنشى توقسانىندا اياقتاۋ جوسپارلانىپ وتىر. 2024–2025 جىلدارى كەزەككە تۇرعان 611 ادامعا قاينار شاعىن اۋدانىنان جەر تەلىمدەرى بەرىلدى», دەپ حابارلادى سەرىك شاپكەنوۆ.
