- ششۋچە قالاسىندا شاڭعىدان ەلىمىزدىڭ كۋبوگى ءوتىپ جاتىر. جارىستا رەسپۋبليكامىزدىڭ 11 وڭىرىنەن كەلگەن 150-دەن اسا سپورتشى باق سىناۋدا. سپرينت باعدارلاماسىندا باس جۇلدەنى كونستانتين بورتسوۆ ولجالاسا, كۇمىس مەدالدى سۇلتان بازاربەكوۆ يەلەندى. داستان قالىبەكوۆكە قولا مەدال بۇيىردى. ايەلدەر سايىسىندا اننا مەلنيك التىننان القا تاقسا, نادەجدا ستەپاشكينا كۇمىسپەن كۇپتەلدى. داريا رياجكو ۇزدىك ۇشتىكتى تۇيىندەدى. سودان سوڭ سكياتلونشىلار سايىسقا ءتۇستى. بۇل باسەكەدە امىرعالي مۇراتبەكوۆ پەن نادەجدا ستەپاشكينانىڭ مەرەيى ۇستەم بولدى.
- 2026 جىلعى 19-24 قاڭتار ارالىعىندا شايبالى حوككەيدەن ىستانبۇلدا (تۇركيا) وتەتىن قىزدار اراسىنداعى (U18) الەم بىرىنشىلىگىنىڭ كەستەسى جاريالاندى. ۆ ديۆيزيونىنىڭ جولدامالارى ساراپقا سالىناتىن جارىستا ەلىمىزدىڭ قۇراماسى 19 قاڭتاردا جاڭا زەلانديامەن, 20 قاڭتاردا لاتۆيامەن, 22 قاڭتاردا تۇركيامەن, 23 قاڭتاردا نيدەرلاندپەن, 25 قاڭتاردا وڭتۇستىك كورەيامەن شەبەرلىك بايقاسادى. الداعى دودادا جوعارى توپتان شىعىپ قالعان وڭتۇستىك كورەيا قۇراماسى ەڭ مىقتى قارسىلاس بولماق. سونىمەن قاتار قازاقستان جاسوسپىرىمدەر قۇراماسىنىڭ باپكەرلەر شتابى الەم چەمپيوناتىنا دايىندىق جوسپارىن بەكىتتى. 4 قاڭتاردا كوماندا وسكەمەن قالاسىندا جينالىپ, وقۋ-جاتتىعۋ جيىندارىنىڭ العاشقى كەزەڭىن وتكىزەدى. ال 14-18 قاڭتار ارالىعىندا دايىندىق تۇركيادا جالعاسىپ, ءبىر جولداستىق كەزدەسۋ جوسپارلانعان.
- ەۋروپالىق تەننيس قاۋىمداستىعى (Tennis Europe Tour) جىل قورىتىندىسىن شىعاردى. ۇزدىكتەر قاتارىندا 14 جاستاعى قازاقتىڭ جاس دارىنى احمادي ماحانوۆ تا بار. ول «جىلدىڭ شەتەلدىك ويىنشى» اتالىمىندا وزدى. وسى ماۋسىمدا احمادي شۆەتسيا استاناسى ستوكگولمدە ۇيىمداستىرىلعان كورول كۋبوگىنىڭ «سۋپەر» ساناتىنداعى تۋرنيرىندە توپ جاردى. جۇپتىق ويىندا «اۆەنيۋ كۋبوگى», «تيم ەسسون», «برسەلاۆ وۋپەن» دودالارىندا دارالاندى. سونداي-اق Tennis Europe سەرياسىنداعى سايىستىڭ فينالىندا ونەر كورسەتتى.
