فوتو: istockphoto.com
دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆتىڭ ايتۋىنشا, قازىرگى تاڭدا رەسپۋبليكا بويىنشا 260-قا جۋىق ستوماتولوگيالىق كلينيكا تەكسەرىلگەن. ناتيجەسىندە:
- مەديتسينالىق كومەك كورسەتۋ ستاندارتتارىن بۇزعانى ءۇشىن 54 ملن تەڭگە ايىپپۇل سالىندى;
- جامبىل وبلىسىندا 10 كلينيكانىڭ جۇمىسى سوت ارقىلى توقتاتىلدى;
- الماتى قالاسى مەن الماتى وبلىسىندا دا بىرقاتار ەمحانانىڭ قىزمەتىنە تىيىم سالىندى.
مينيسترلىك وكىلى قايعىلى وقيعاعا سەبەپ بولعان «سەۆوران» پرەپاراتىن قولدانۋ ەرەجەلەرى قايتا قارالمايتىنىن قاداپ ايتتى. ۆيتسە-ءمينيستردىڭ سوزىنشە, بۇل پرەپارات 2007 جىلدان بەرى قولدانىستا جانە الەمدىك دەڭگەيدە قاۋىپسىز دەپ تانىلعان.
«حاتتامادا بارلىق ساقتىق شارالارى جازىلعان, سوندىقتان ونى وزگەرتپەيمىز», دەدى ت.سۇلتانعازيەۆ.
بۇعان دەيىن مينيستر اقمارال ءالنازاروۆا استاناداعى ستوماتولوگيالىق كلينيكادا ناركوزدان كەيىن كوز جۇمعان ءۇش جاسار قىزعا قاتىستى جاعداي بويىنشا سەۆوفلۋران (سەۆوران) پرەپاراتىنىڭ قولدانىلۋىنا تىيىم سالۋ ماسەلەسىنە تۇسىنىك بەرگەن ەدى.
