الدىن الا بارلاۋ جۇمىسىندا اۋىلدىڭ وڭتۇستىگىندە 100-دەن استام ءارتۇرلى كولەمدەگى قورعان تىركەلگەن. بارلىعىنا ەمەس, ارحەولوگتەر ەڭ ءىرى قورعانعا زەرتتەۋ جۇرگىزدى. ناتيجەسىندە, اسا قۇندى ارحەولوگيالىق جادىگەرلەر تابىلعان. اتاپ ايتساق, قورعاننىڭ كىرەبەرىسىنەن التىن جانە قولا بۇيىمدار كوزگە تۇسكەن. انىقتالعانداي, بۇل بۇيىمدار جىلقى ابزەلىنىڭ اشەكەيلەرى بولىپ شىققان. ولاردىڭ قاتارىندا جارتى اي ءپىشىندى جانە ءۇشبۇرىشتى جاپسىرمالار, جىرتقىش قۇستىڭ باسى بەينەسىندەگى اشەكەيلەر, ويۋ-ورنەكتى قاپتامالار, قوڭىراۋ ءتارىزدى سالپىنشاقتار بار. سونىمەن قاتار قولا اۋىزدىقتار, ۇلبىرەگەن التىنمەن قاپتالعان تەمىر اۋىزدىقتار, ايىل بولىكتەرى جانە ارقار بەينەسىندەگى التىن جاپسىرما تابىلدى. اسىرەسە ارقار ءمۇسىندى جاپسىرما ەرەكشە كوزگە تۇسەدى. بۇيىمداردىڭ ورنالاسۋىنا قاراي جىلقى ابزەلدەرى ارنايى راسىممەن قويىلعانى بايقالعان.
وكىنىشتىسى, جەرلەۋ ورنى بۇرىن تونالعاندىقتان, ادام سۇيەكتەرى ساقتالماعان. دەگەنمەن تابىلعان زاتتىق ماتەريالداردى زەرتتەي كەلە, انالوگيالىق دەرەككە سۇيەنسە, قورعان ەرتە ساق كەزەڭىنە جاتادى ەكەن.
ايتا كەتسەك, اقجايلاۋدىڭ التىندارى وبلىستىق تاريحي-ولكەتانۋ مۋزەيىنىڭ قورىنا تاپسىرىلدى.
وسكەمەن
