فوتو: egemen.kz/ قىرمىزى جۇماعاليقىزى
بۇگىندە وڭىرلەردەگى دارىگەر تاپشىلىعىن ازايتۋ ماقساتىندا جاس مامانداردى اۋىلدىق جەرلەردە قىزمەت ەتۋگە ىنتالاندىرۋ شارالارى قابىلدانعان. مەملەكەتتىك قولداۋ اياسىندا ولارعا تۇرعىن ءۇي, قارجىلىق, ءبىلىم بەرۋ جانە الەۋمەتتىك كومەك كورسەتىلەدى.
وسى باعىتتا قابىلدانعان شارالاردىڭ ارقاسىندا دارىگەر تاپشىلىعى – 20%-عا, ورتا مەديتسينالىق پەرسونال – 7%-عا, اۋىلدىق جەرلەردەگى دارىگەرلەر جەتىسپەۋشىلىگى –16%-عا ازايعان.
اۋىلدىق جەرلەردە جۇمىسقا كىرىسكەن مەديتسينا قىزمەتكەرلەرىنە:
- كوتەرمە جاردەماقىلار;
- ەڭ تومەنگى پايىزدىق مولشەرلەمەمەن تۇرعىن ءۇي نەسيەلەرى;
- جالاقىعا قوسىمشا تولەمدەر;
- الەۋمەتتىك قولداۋدىڭ وزگە دە شارالارى ۇسىنىلعان.
وسى جىلدىڭ 10 ايىندا اۋىلدىق ەلدى مەكەندەرگە جۇمىس ىستەۋ ءۇشىن بارعان 298 دارىگەر (2024 جىلى – 254 مامان) كەمىندە 100 ەڭ تومەنگى جالاقى كولەمىندە نەمەسە 8,5 ملن تەڭگە مولشەرىندە تولەم العان. 596 مەديتسينا قىزمەتكەرى تۇرعىن ۇيمەن قامتاماسىز ەتىلگەن.
