فوتو: مادەنيەت جانە اقپارات مينيسترلىگى
مادەنيەت جانە اقپارات مينيسترلىگى مەن «كسەلل» اق-نىڭ بىرلەسكەن باستاماسى ەلىمىزدەگى مەديا سالاسىن تۇبەگەيلى جاڭارتۋدى كوزدەيدى. قاتىسۋشىلار فاكتچەكينگ ارقىلى اقپاراتتى سۇزگىدەن وتكىزۋدى, داتا-جۋرناليستيكانىڭ قۇپيالارىن جانە مۋلتيمەديالىق كونتەنتتى كەز كەلگەن پلاتفورماعا لايىقتاپ جاساۋدى مەڭگەرگەن.
ترەنينگتىڭ ەڭ وزەكتى تاقىرىبى – جاساندى ينتەللەكتىنى رەداكتسيالىق جۇمىسقا ەنگىزۋ بولدى. تەحنولوگيالىق الپاۋىت Ericsson جانە «كسەلل» ساراپشىلارى قاتىسۋشىلارعا تەلەكوممۋنيكاتسيا سالاسىنداعى سوڭعى وزگەرىستەردى تانىستىرىپ, تسيفرلىق الەمنىڭ ءتىلىن حالىققا قاراپايىم ءارى ۇعىنىقتى جەتكىزۋدىڭ جولدارىن كورسەتتى.
وقۋ سوڭىندا جۋرناليستەر تەك سەرتيفيكات الىپ قانا قويماي, ناقتى كەيستەردى شەشىپ, بولاشاقتىڭ مەديا-جوبالارىن قورعاپ شىقتى.
