فوتو: اشىق دەرەككوز
ونىڭ ايتۋىنشا, جاڭا تەتىك شەڭبەرىندە «دروپپەرلىك» دەپ اتالاتىن 195 مىڭنان استام شوت بۇعاتتالعان. شوتتارداعى قاراجاتتىڭ جالپى سوماسى 2,6 ملرد تەڭگەنى قۇراعان. سونىمەن قاتار, تەرگەۋ بارىسىندا پروكۋرورلاردىڭ باستاماسىمەن 9 ملرد تەڭگەدەن استام سوماعا تىيىم سالىنعان.
باس پروكۋرور بيىل زاڭسىز قىلمىستىق ارەكەتكە تارتۋدىڭ 3 مىڭنان استام دەرەگىنىڭ الدىن الۋ مۇمكىن بولعانىن دا ايتتى. سونداي-اق ول ادام قۇقىقتارىن قورعاۋ جانە قىلمىستىق-اتقارۋ جۇيەسىنىڭ (قاج) جۇمىسى سالالارىنداعى وڭ وزگەرىستەرگە توقتالدى.
اتاپ ايتقاندا, ازاپتاۋ دەرەكتەرىنىڭ سانى بىرنەشە ەسە قىسقاردى, 2025 جىلى قاج مەكەمەلەرىندە ازاپتاۋ جاعدايلارىنا جول بەرىلگەن جوق, سوتتالعاندار اراسىنداعى سۋيتسيد دەڭگەيى 27%-عا تومەندەگەن, ال ولاردىڭ ەڭبەكپەن قامتىلۋ كورسەتكىشى 15%-عا ارتقان.
پروكۋراتۋرادا قارجىلىق باقىلاۋ الگوريتمدەرىن ەنگىزۋ جانە قاداعالاۋ جۇمىستارىن كۇشەيتۋ كولەڭكەلى ەكونوميكانى قىسقارتۋعا ءارى ۇيىمداسقان قىلمىسقا قارسى كۇرەستىڭ تيىمدىلىگىن ارتتىرۋعا باعىتتالعانى ايتىلدى.
