فوتو: Depositphotos.com
Forbes باسىلىمىنىڭ حابارلاۋىنشا, بۇل بايلىقتى ەسەپتەۋ ادىستەمەسىنىڭ قايتا قارالۋىنان بولعان. بۇعان دەلاۆەر شتاتى جوعارعى سوتىنىڭ شەشىمى نەگىز بولدى. سوت ماسكتىڭ 2018 جىلى Tesla اكتسيالارى بويىنشا العان وپتسيوندارىنا قاتىستى بۇرىنعى ۇكىمنىڭ كۇشىن جويدى.
بۇل وپتسيونداردىڭ قۇنى شامامەن 139 ميلليارد دوللارعا باعالانادى. سوت پروتسەستەرى ءجۇرىپ جاتقان ۋاقىتتا Forbes بۇل سومانىڭ تەك جارتىسىن عانا ەسەپكە الىپ كەلگەن بولاتىن. ەندى سوت شەشىمىنەن كەيىن وپتسيوندار تولىق كولەمدە ەسەپكە الىنىپ, ناتيجەسىندە ماسكتىڭ بايلىعى رەكوردتىق كورسەتكىشكە جەتتى.
يلون ماسك بايلىعىنىڭ ءوسۋ ديناميكاسى:
- 2021 جىلعى قاڭتار – 190 ملرد دوللار;
- 2021 جىلعى قىركۇيەك – 200 ملرد دوللار;
- 2021 جىلعى قاراشا – 300 ملرد دوللار;
- 2024 جىلعى جەلتوقسان – 400 ملرد دوللار;
- 2025 جىلعى قازان – 500 ملرد دوللار;
- 2025 جىلعى جەلتوقساننىڭ باسى – 677 ملرد دوللار;
- قازىرگى ۋاقىتتا – 749 ملرد دوللار.
وسىلايشا, SpaceX پەن Tesla كومپانيالارىنىڭ نەگىزىن قالاۋشى ءارى يەسى يلون ماسك Forbes جۋرنالىنىڭ نۇسقاسى بويىنشا الەمدەگى ەڭ باي ادام مارتەبەسىن نىق ساقتاپ تۇر.
