«ورتالىق ازيادا قۋاتتى اگروونەركاسىپ كەشەنى بۇرىننان بار. سوندىقتان ايماق جاھاندىق ازىق-ت ۇلىك قاۋىپسىزدىگىن قامتاماسىز ەتۋ ىسىندە ماڭىزدى ءرول اتقارا الادى.
قازاقستان جاپونيانىڭ رەسۋرس ۇنەمدەۋ تەحنولوگياسىنا, شولگە ءتوزىمدى داقىلدار سەلەكتسياسىنا, «اقىلدى» فەرمالاردى دامىتۋ تاجىريبەسىنە قىزىعۋشىلىق تانىتادى.
وسى ورايدا ورنىقتى اۋىل شارۋاشىلىعى سالاسىندا جاپون عالىمدارىنىڭ جانە ساراپشىلارىنىڭ قاتىسۋىمەن زەرتتەۋ پلاتفورماسىن قۇرۋدى ۇسىنامىز.
استانادا قولدانبالى عىلىمدار سالاسىندا عالىمدار مەن زەرتتەۋشىلەردىڭ العاشقى كەزدەسۋىن «ورتالىق ازيا – جاپونيا» فورماتىندا ۇيىمداستىرۋدى ۇسىنامىن», دەدى قاسىم-جومارت توقاەۆ.
ول قازاقستاننىڭ JICA اگەنتتىگىنىڭ ورتالىق ازياداعى كۇردەلى سۋ پروبلەماسىن شەشۋگە قوسقان ۇلەسىن باعالايتىنىن ەسكە سالدى.
«اۋىل شارۋاشىلىعىنىڭ دامۋى سۋ قاۋىپسىزدىگىمەن تىكەلەي بايلانىستى.
ورتالىق ازيا قازىردىڭ وزىندە سۋ تاپشىلىعىن سەزىنىپ وتىر. سوڭعى جيىرما جىلدا وڭىردە جان باسىنا شاققاندا سۋمەن قامتۋ كولەمى شامامەن 30 پايىزعا تومەندەدى. ونىڭ ۇستىنە سۋ رەسۋرستارىنىڭ 70 پايىزعا جۋىعى – ترانسشەكارالىق.
كاسپي تەڭىزىنىڭ تارتىلۋى الاڭداۋشىلىق تۋعىزادى, ال ارال ەكولوگيالىق اپاتى سۋ رەسۋرستارىن رەتسىز پايدالانۋدىڭ سالدارى قانداي قايعىلى بولاتىنىن كورسەتتى.
قازاقستان جاپونيا حالىقارالىق ىنتىماقتاستىق اگەنتتىگىنىڭ (JICA) ورتالىق ازياداعى كۇردەلى سۋ پروبلەماسىن شەشۋگە قوسقان ۇلەسىن باعالايدى ءارى اتالعان بەدەلدى ينستيتۋتپەن ىقپالداستىقتى جالعاستىرۋعا نيەتتى», دەدى پرەزيدەنت.
مەملەكەت باسشىسى جاپونيانىڭ سۋ سالاسىن اۆتوماتتاندىرۋ جانە تسيفرلاندىرۋ تاجىريبەسىنە ەرەكشە قىزىعۋشىلىق تانىتتى.
«سۋ ۇنەمدەۋدىڭ وزىق تەحنولوگيالارىن الماسۋ, ورتاق عىلىمي-زەرتتەۋ جۇمىستارىن جۇرگىزۋ جانە جەردى قاشىقتان زوندتاۋ سەكىلدى اسا ماڭىزدى شارالار قامتىلاتىن بىرلەسكەن سۋ شارۋاشىلىعىن دامىتۋ باعدارلاماسىن ازىرلەۋگە بولار ەدى.
قازاقستان بۇۇ اياسىندا جاڭادان UN Water حالىقارالىق ۇيىمىن قۇرۋدى ۇسىندى. بۇل سۋ پروبلەماتيكاسىمەن اينالىساتىن باسقا دا قۇرىلىمداردىڭ كۇش-جىگەرىن ءبىر ارناعا توعىستىرادى.
جاپوندىق ساياساتكەرلەر مەن قوعام قايراتكەرلەرىن, كاسىپكەرلەر مەن ساراپشىلاردى كەلەسى جىلى ءساۋىر ايىندا استانادا وتەتىن وڭىرلىك ەكولوگيالىق سامميتكە قاتىسۋعا شاقىرامىز», دەدى قازاقستان باسشىسى.
