سينوپتيكتەردىڭ مالىمەتىنشە, ەلىمىزدىڭ باسىم بولىگىندە قار جاۋىپ, بوران سوعادى. ەلدىڭ وڭتۇستىگى مەن وڭتۇستىك-شىعىسىندا قار ارالاس جاۋىن جاۋىپ, كوكتايعاق بولادى.تاۋلى ايماقتاردا بوران سوعادى, 18 جەلتوقساندا كەي وڭىرلەردە قاتتى جاۋىن-شاشىن بولجانىپ وتىر.
رەسپۋبليكا بويىنشا جەل كۇشەيىپ, سەكۋندىنا 15–20 مەترگە دەيىن جەتەدى, كەي ۋاقىتتا 23–28 مەترگە دەيىن كۇشەيەدى. ەلدىڭ وڭتۇستىگى مەن وڭتۇستىك-شىعىسىندا تۇنگى جانە تاڭعى ۋاقىتتا تۇمان تۇسەدى.
«ەلىمىزدىڭ باتىس ايماقتارىندا تۇندە تەمپەراتۋرا 3-18 گرادۋستان 0-5 گرادۋسقا دەيىن كوتەرىلىپ, كۇندىزگى نەگىزگى فون 5 گرادۋستان 3 گرادۋسقا دەيىن نولدەن جوعارى بولادى.
سولتۇستىك-باتىستا تۇندە تەمپەراتۋرا 7-23 گرادۋستان 0-15 گرادۋسقا دەيىن كوتەرىلەدى, كۇندىزگى اۋىتقۋلار 3-15 گرادۋستان 0-5 گرادۋسقا دەيىن جەتەدى.
سولتۇستىك جانە ورتالىق ايماقتاردا تۇندە تەمپەراتۋرا 15-23 گرادۋستان 5-15 گرادۋسقا دەيىن كوتەرىلەدى, كۇندىزگى اۋىتقۋلار 10-18 گرادۋستان 3-8 گرادۋسقا دەيىن جوعارىلايدى.
شىعىس ايماقتاردا تۇندە تەمپەراتۋرا 12-28 گرادۋستان 7-20 گرادۋسقا دەيىن كوتەرىلىپ, كۇندىزگى اۋىتقۋلار 7-18 گرادۋستان 5-15 گرادۋسقا دەيىن جەتەدى.
ەلدىڭ وڭتۇستىگىندە تۇندە تەمپەراتۋرا 3-20 گرادۋستان 3-12 گرادۋسقا دەيىن كوتەرىلەدى, كۇندىزگى تەمپەراتۋرا 0-8 گرادۋسقا دەيىن جەتەدى.
وڭتۇستىك-شىعىستا تۇندە جانە كۇندىز ەلىمىزدىڭ نەگىزگى فون تەمپەراتۋراسى 0-5 گرادۋس, تاۋلى ايماقتاردا 8-13 گرادۋس اياز بولادى», دەپ حابارلادى «قازگيدرومەت».
