وسى كۇنى داۋلەتكەرەي اتىنداعى قازاق حالىق اسپاپتارى وركەسترىنىڭ 25 جىلدىعىنا وراي جانە «اتامەكەن» حالىق ءبيى ءانسامبلىنىڭ قۇرىلعانىنا 30 جىل تولۋ قۇرمەتىنە پرەمەر-ءمينيستردىڭ ورىنباسارى ءارى مادەنيەت جانە اقپارات ءمينيسترى ايدا بالاەۆانىڭ قۇتتىقتاۋ حاتى تاپسىرىلدى. قوس ۇجىمنىڭ التى مۇشەسى «قازاقستان رەسپۋبليكاسى مادەنيەت سالاسىنىڭ ۇزدىگى» توسبەلگىسىمەن ماراپاتتالدى.
ونەر ۇجىمى داۋلەتكەرەي اتىنداعى قازاق حالىق اسپاپ-تارى وركەسترىنىڭ قۇرىلعانىنا 25 جىل تولۋى سالتاناتىن «اتامەكەن» كونتسەرت زالىندا «شيرەك عاسىر شابىتى» اتتى مەرەيتويلىق كونتسەرتىمەن اتاپ ءوتتى.
وسى مەرەيتوي قارساڭىندا وركەستردىڭ 25 جىلدىق تاريحىنان سىر شەرتەتىن «شيرەك عاسىر شيرىعۋ» اتتى دەرەكتى فيلم دايىندالعان ەكەن. وركەستر ۇجىمى قىزىل كىلەم ۇستىنەن ءوتىپ, حالىقتىڭ قۇرمەت-قوشەمەتىنە بولەندى.
فيلارمونيا ديرەكتورى باۋىرجان حاليوللا ۇجىمنىڭ كەيىنگى ءبىر جىلدا قول جەتكىزگەن باستى جەتىستىكتەرىنە توقتالىپ ءوتتى. ودان كەيىن كەش حالىق كومپوزيتورلارى مەن شەتەلدىك اۆتورلاردىڭ شىعارمالارىنا ارنالعان كونتسەرتكە ۇلاستى. وركەستردىڭ كوركەمدىك جەتەكشىسى ءارى باس ديريجەرى, «دارىن» مەملەكەتتىك جاستار سىيلىعىنىڭ يەگەرى جاراس ساتىبالديەۆ, مادەنيەت سالاسىنىڭ ۇزدىگى اسىلحان قازيەۆ, فيلارمونيا انشىلەرى حاتيموللا بەردىعاليەۆ, قاناتقالي قوجاقوۆ, قايرات كاكىموۆ, كۇلاش قۋانىشقاليەۆا, داستان ەسەنتەمىروۆ, ايبار حايىرحانوۆ, ەرلان ءومىرالى, كۇيشى تۇرلىحان ءابۋحانوۆ جانە باسقالارى ساحنا تورىنەن وركەسترمەن بىرگە كەزەكپەن ونەر كورسەتتى. ءىس-شارا قوناقتارى – الماتى, استانا, اتىراۋ قالالارىنان ارنايى كەلگەن ونەر شەبەرلەرى دە كورەرمەن كوزايىمىنا اينالدى. قازاقستاننىڭ حالىق ءارتىسى ايگۇل ۇلكەنباەۆا, قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ كوركەمدىك جەتەكشىسى باتىرجان مىقتىباەۆ قارا دومبىرانى كۇمبىرلەتىپ كۇي توكتى.
باتىس قازاقستان وبلىسى
