فوتو: 4vlastinfo.kz
ە.سايروۆ وسى سيپاتتاعى ارەكەتتەر كينوعا دا جەتىپ, ۇلكەن ەكرانعا شىققان «رۋىڭ كىم» فيلمىنىڭ قاجەتسىز تاقىرىپتى ارقاۋ ەتكەنىنە نازار اۋداردى.
«قازاقتىڭ رۋلارىن سالىستىراتىن, كەمسىتەتىن فيلمدەردىڭ ماقساتى قانداي؟ تىپتى بۇل ءفيلمدى جارنامالاۋ ءۇشىن جاسالعان ارنايى ەكزپوزيتسيادا رۋعا ءبولىنۋدى قويىپ, قازاقستاننىڭ كارتاسىن ءۇش جۇزگە ءبولىپ قويعانىن كوردىك. بۇل نە دەگەن باسسىزدىق؟ ول ۇلت ءۇشىن ەڭ سەزىمتال تاقىرىپتى ايقايلاتىپ الەۋمەتتىك كونتەنت, كينو تاقىرىبىنا اينالدىرىپ, كورەرمەن جيناۋ. ءتۇبى بۇل جاقسىلىققا اكەلمەيدى», دەدى دەپۋتات.
AMANAT فراكتسياسىنىڭ مۇشەسى وسى ماسەلەگە بايلانىستى ۇكىمەت باسشىسى ولجاس بەكتەنوۆكە ساۋال جولداپ, ۇلت ىشىندە ارتىقشىلىعىمىزدى كەمشىلىك ەتىپ كورسەتەتىن, ءبىر ۇلت ىشىندەگى رۋلاردى ءبىر-بىرىنە ايداپ سالاتىن, ارانداتۋشىلىق ماتەريالدارعا تىيىم سالىنۋى ءتيىس ەكەنىن ايتتى.
ماجىلىسمەن جاسوسپىرىمدەر ءۇشىن كينو جانە مەدياكونتەنتتىڭ تاربيەلىك ىقپالى جوعارى ەكەنىن ەسكەرىپ, وسىعان قاتىستى ءبىرشاما ۇسىنىسىن ورتاعا سالدى.
«ءبىرىنشى, اقپارات جانە مادەنيەت مينيسترلىگى جانىنان كينوپروكاتقا شىعاتىن وتاندىق فيلمدەردىڭ مازمۇنىن الدىن الا كوركەمدىك-ەستەتيكالىق, يدەولوگيالىق, ۇلتتىق بىرلىك تۇرعىسىنان ساراپتايتىن تۇراقتى كوميسسيا قۇرۋدى ىسكە اسىرۋ قاجەت. ەكىنشى, «ۇلتتىق كود» جانە «مادەني ەرەكشەلىك» ۇعىمىن جەلەۋ ەتىپ, قوعامدى بولشەكتەۋگە, رۋشىلدىق پەن جىكشىلدىكتى ناسيحاتتايتىن ارەكەتتەرگە ناقتى توسقاۋىل قويۋ كەرەك. ءۇشىنشى, مادەني سالادا, الەۋمەتتىك جەلىدە, قازاقستان حالقىنىڭ بىرلىگىن كورسەتەتىن, جالپىۇلتتىق ء«بىز قازاقپىز» دەگەن ماعىناداعى كونتەنتتى كوبەيتۋگە كىرىسۋىمىز كەرەك», دەدى ە.سايروۆ.
