الماتى قالاسى بوستاندىق اۋدانى قورعانىس ىستەرى جونىندەگى باسقارماسىنىڭ جانە ارميا گەنەرالى ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ اسكەري قىزمەتشىلەرى ايگىلى ءانشىنى تاۋەلسىزدىك كۇنىمەن جانە 96 جاسقا تولعان تۋعان كۇنىمەن قۇتتىقتادى. ولار ونەر يەسىنە گۇل شوقتارى مەن قۇتتىقتاۋ حاتىن تابىستاپ, كوپجىلدىق شىعارماشىلىق ەڭبەگى ءۇشىن العىستارىن ءبىلدىردى.
تۋعان كۇنى ەلىمىزدىڭ تاۋەلسىزدىك كۇنىمەن تۇسپا-تۇس كەلگەن بيبىگۇل احمەتقىزى ءۇيىنىڭ تەرەزەسىنەن كونتسەرتتى جىلى جۇزبەن تاماشالادى. اسكەري وركەستردىڭ اۋەنىن تەك ءانشىنىڭ ءوزى مەن جاقىندارى عانا ەمەس, كوپقاباتتى ءۇيدىڭ تۇرعىندارى دا ەرەكشە ىقىلاسپەن قابىلدادى. تانىمال ونەر يەسى اسكەري قىزمەتشىلەردى ءاردايىم ەرەكشە قۋانىشپەن, ىستىق ىقىلاسپەن قارسى الادى.
بيبىگۇل احمەتقىزى اسكەري قىزمەتشىلەر مەن بارشا قازاقستاندىقتاردى تاۋەلسىزدىك كۇنىمەن قۇتتىقتادى.
«اسكەري كيىمدەگى جاندارعا دەگەن قۇرمەتىم ەرەكشە. قىزمەتتەرىڭىز ءۇشىن جانە وسىنداي اسەرلى سىيلىق ءۇشىن العىس ايتامىن. ەلىمىزگە بەيبىتشىلىك, ءاربىر قازاقستاندىققا دەنساۋلىق, تىنىشتىق پەن ەرتەڭگى كۇنگە دەگەن سەنىم تىلەيمىن», دەدى.
ايتا كەتەيىك, الەم جۇرتشىلىعىن انىمەن تەربەگەن بيبىگۇل تولەگەنوۆا 16 جەلتوقساندا 96 جاسقا كەلدى.
