فوتو: اشىق دەرەككوز
بيىل ەنەرگەتيكالىق ينفراقۇرىلىم سالاسىندا ماڭىزدى ناتيجەگە قول جەتكىزىلدى, توزىعى جەتكەن جابدىقتاردى جاڭارتۋ تسيكلى باستالدى. ەلەكتر ستانتسيالارىنداعى جوندەۋ جۇمىستارىنا سالىنعان كاپيتال كولەمى 20%-عا ءوستى.
ەل بويىنشا جىلۋ ەلەكتر ورتالىقتارى جابدىقتارىنىڭ جالپى توزۋ دەڭگەيى العاش رەت تومەندەپ, 61%-دى قۇرادى. بارلىق جوسپارلانعان جوندەۋ جۇمىستارىنىڭ جۇرگىزىلۋى كەنتاۋ, ريددەر جانە ەكىباستۇز قالالارىنداعى ستانتسيالاردى قوسا العاندا, 9 ەنەرگيا كوزىن تاۋەكەل ايماعىنان شىعارۋعا مۇمكىندىك بەردى.
جىلۋ جەلىلەرىن جاڭعىرتۋ اياسىندا 323 كم قۇبىر اۋىستىرىلىپ, بۇل تۇتىنۋشىلاردى تۇراقتى جىلۋمەن قامتاماسىز ەتۋگە جانە توزۋ دەڭگەيىن 52%-عا دەيىن تومەندەتۋگە ىقپال ەتتى. جىلۋ جەلىلەرىنىڭ توزۋى 25%-عا ازايدى.
«قولدانىستاعى ينفراقۇرىلىمدى قالپىنا كەلتىرۋمەن قاتار, جاڭا گەنەراتسيالاۋ قۋاتتارىن ىسكە قوسۋ قامتاماسىز ەتىلدى. 2025 جىلى تەكەلى ەنەرگەتيكالىق كەشەنىندە گازتۋربينالىق قوندىرعىلار پايدالانۋعا بەرىلدى, ال توپار جەس-ىندە قۋاتى 130 مۆت بولاتىن جاڭا تۋربواگرەگات ىسكە قوسىلدى. جىل قورىتىندىسى بويىنشا ەلدىڭ ەنەرگوجۇيەسى رەكوردتىق 118 ملرد كيلوۆاتت-ساعات ەلەكتر ەنەرگياسىن ءوندىرىپ, سۇرانىستان وزىق رەجيمدە جۇمىس ىستەدى», دەدى ەرلان اقكەنجەنوۆ.
كەلەسى جىلدان باستاپ ۇكىمەت وڭىرلىك دەڭگەيدە جىلۋمەن جابدىقتاۋ سىزبالارىن قايتا قاراۋ بويىنشا جۇيەلى جۇمىسقا كىرىسەدى. پيلوتتىق جوبالار جامبىل وبلىسى مەن شىمكەنت قالاسىندا ايقىندالدى.
ايتا كەتەيىك, 2025 جىلعى ۇكىمەت قىزمەتىن قورىتىندىلاۋ اياسىندا ەنەرگەتيكا ءمينيسترى ەرلان اقكەنجەنوۆ Astana Hub الاڭىندا بۇقارالىق اقپارات قۇرالدارى وكىلدەرىمەن كەزدەسىپ, ەنەرگەتيكا سالاسىن دامىتۋ ماسەلەلەرىن تالقىلاعان ەدى.
