فوتو: istockphoto.com
عالىمداردىڭ باعالاۋى بويىنشا, جاسىرىن سۋ كولەمى جەر بەتىندەگى بارلىق مۇحيتتار كولەمىنىڭ 8%-نان 100%-نا دەيىن قۇراۋى مۇمكىن. زەرتتەۋدى قىتاي عىلىم اكادەمياسىنىڭ گۋانچجوۋ گەوحيميا ينستيتۋتىنىڭ پروفەسسورى دۋ چجيسيۋە باستاعان زەرتتەۋ توبى جۇرگىزدى.
زەرتتەۋ بارىسىندا ماماندار العاش رەت لابوراتوريالىق جاعدايدا تومەنگى مانتياعا ءتان پارامەترلەردى – 32 گيگاپاسكالعا دەيىنگى قىسىمدى جانە 2000 كەلۆيننەن اساتىن تەمپەراتۋرانى مودەلدەدى. تاجىريبە ناتيجەسى كورسەتكەندەي, مانتيانىڭ جارتىسىنان استامىن قۇرايتىن بريدجمانيت مينەرالى بۇرىنعى بولجامداردان الدەقايدا كوپ سۋدى ۇستاپ تۇرۋعا قابىلەتتى بولىپ شىقتى.
عالىمداردىڭ پىكىرىنشە, شامامەن 4,6 ميلليارد جىل بۇرىن جەردىڭ قالىپتاسۋىنىڭ ەرتە كەزەڭىندە پلانەتا ماگمالىق مۇحيتپەن جابىلعان. ول سۋىعان كەزدە مينەرالدار كريستالدانىپ, سۋدى جەردىڭ قاتتى قۇرىلىمىنىڭ ىشىنە «مورلەپ» تاستاعان.
بۇل جاڭا دەرەكتەر تومەنگى مانتيا پلانەتاداعى ەڭ ءىرى ىشكى سۋ قويماسى بولۋى مۇمكىن ەكەنىن كورسەتەدى. بۇل جاڭالىق جەردەگى مۇحيتتاردىڭ شىعۋ تەگىنە جانە تىرشىلىككە قولايلى جاعدايلاردىڭ قالىپتاسۋىنداعى ۇردىستەردىڭ ءرولى تۋرالى جاڭا تۇسىنىك بەرەدى.
