«مىندەتتى الەۋمەتتىك مەديتسينالىق ساقتاندىرۋ قورى» شىمكەنت قالالىق فيليالىنىڭ مالىمەتىنشە, بيىل 245 مىڭنان استام كەمشىلىك انىقتالىپ, مەديتسينالىق ۇيىمدارعا 1,1 ملرد تەڭگە كولەمىندە ايىپپۇل سالىنعان.
«كەمشىلىكتەردىڭ باسىم بولىگى كونسۋلتاتسيالىق-دياگنوستيكالىق قىزمەت كورسەتۋ كەزىندە تىركەلگەن. سونىمەن قاتار قىزمەت ساپاسىنا قاتىستى 300-دەن استام ارىز-شاعىم تۇسكەن. ونىڭ 148-ءى نەگىزسىز بولعاندىقتان, ناۋقاستاردىڭ وزدەرى شاعىمىن قايتارىپ العان. ولاردىڭ كوبى مەديتسينالىق قىزمەت كورسەتۋدەن باس تارتۋ, قىزمەت ساپاسىنىڭ تومەندىگى جانە ءدارى-دارمەكتىڭ ۋاقىتىلى بەرىلمەۋى سياقتى ماسەلەلەرگە قاتىستى», دەلىنگەن ۆەدومستۆونىڭ اقپاراتىندا.
جالپى بۇگىندە قالادا 177 مەديتسينالىق ۇيىم حالىققا قىزمەت كورسەتەدى. ونىڭ 34-ءى — مەملەكەتتىك, 143-ءى — جەكەمەنشىك كلينيكا جانە 43 ستوماتولوگيالىق قىزمەت كورسەتۋ مەكەمەسى بار.
«مىندەتتى الەۋمەتتىك مەديتسينالىق ساقتاندىرۋ قورى» شىمكەنت قالالىق فيليالىنىڭ مالىمەتىنە سۇيەنسەك, شىمكەنتتە 1 ملن استام ادام, ياعني حالىقتىڭ 81,7 پايىزى ساقتاندىرىلعان. ونىڭ ىشىندە جەڭىلدىك ساناتىنداعى 800 مىڭعا جۋىق ازاماتتىڭ جارناسىن مەملەكەت تولەپ كەلەدى. 232 مىڭ ادام ساقتاندىرىلماعان. الايدا قالادا ءمامس جۇيەسىنە قاتىسپايتىن 55 362 وسال ساناتتاعى ازامات بار.
