اۆتور پلاتون نەچاەۆتىڭ ايتۋىنشا, ونىڭ كەيىپكەرلەرى تابيعاتتى ۇقىپتى پايدالانۋدى ۇيرەتەدى. كىتاپ ساتىلىمىنان تۇسكەن قاراجاتتىڭ ءبىر بولىگى اعاش وتىرعىزۋعا باعىتتالادى. جاس جازۋشىنىڭ باستاماسىن سەنات تا قولداپ وتىر.
– مەنىڭ كىتاپتارىم ەكولوگيا نەمەسە سپورت تاقىرىبىمەن بايلانىستى. بۇل جيناقتا بارلىق شىعارمالار مەن ەكولوگيالىق تاپسىرمالار قامتىلعان. مەن قاراعاندىدانمىن, ال قاراعاندى – وتە لاس قالا. سوندىقتان ءبىز اعاش وتىرعىزۋدى قولعا الدىق. بۇل يدەياعا مەنى انام باعىتتادى. قاراعاندىدا 200 اعاش, قازاقستان بويىنشا 1300 اعاش وتىرعىزدىق, – دەيدى پلاتون نەچاەۆ.
پارلامەنت سەناتى توراعاسىنىڭ كەڭەسشىسى دينارا سادۋاقاسوۆانىڭ سوزىنشە, بۇل جوبا سەناتتىڭ قولداۋىمەن جۇزەگە استى.
– بىزدە تۇراقتى دامۋ ماقساتتارىن ەنگىزۋگە ارنالعان اكسەلەراتور بار, سول الاڭدا پلاتون ءوز يدەياسىن ۇسىنىپ, جوباسىن دامىتتى. ولار بۋرابايداعى بولەكتاۋ باۋرايىندا ەكوسوقپاق تا ازىرلەدى. ەكوسوقپاقپەن ءجۇرىپ وتكەندە پلاتوننىڭ كىتاپتارىنداعى كەيىپكەرلەرمەن كەزىگۋگە بولادى. جاس ۇرپاقتىڭ ەكولوگياعا ءمان بەرۋى – وتە قۋانىشتى جاعداي, – دەيدى ول.
