فوتو: اشىق دەرەككوز
اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى پولىمبەت حاسانوۆتىڭ دەرەگىنە قاراعاندا, بيىل وڭىرلىك جۇمىسپەن قامتۋ كارتاسى بويىنشا 29 241 جۇمىس ورنى قۇرىلعان. ونىڭ ىشىندە 15 029 تۇراقتى جانە 14 212 ۋاقىتشا جۇمىس ورنى بار.
«جىل باسىنان بەرى اتىراۋ قالاسى مەن اۋداندارداعى مانساپ ورتالىقتارىنا ءارتۇرلى ماسەلەمەن حابارلاسقان 63 مىڭ 55 ادامنىڭ 38129-ى جۇمىسپەن قامتۋ شارالارىمەن قامتىلدى. ناقتىلاي ايتقاندا, 18322 ادام جۇمىسقا ورنالاستى. ونىڭ ىشىندە 9896 ادام تۇراقتى, ال 8426-سى مەملەكەت تاراپىنان سۋبسيديالاناتىن جۇمىس ورىندارىنا ورنالاستى. ماسەلەن, قوعامدىق جۇمىسقا 4265, جاستار پراكتيكاسىنا 1914 ادام تارتىلدى. «كۇمىس جاس» جوباسىمەن 1439, الەۋمەتتىك جۇمىس ورىندارىنا 325, «العاشقى جۇمىس ورنى» جوباسىنا 464 جانە ۇرپاقتار كەلىسىمشارتى جوباسىنا 19 ادام جىبەرىلدى», دەيدى پولىمبەت حاسانوۆ.
باسقارما باسشىسىنىڭ مالىمەتىنشە, «Skills Enbek» پلاتفورماسى ارقىلى ونلاين رەجيمىندە 2 255, «باستاۋ-بيزنەس» جوباسىمەن كاسىپكەرلىك نەگىزدەرىن 2 164 وقىعان. ال «تەڭىزشەۆرويل» كومپانياسىنىڭ قولداۋىمەن 95, بيۋدجەت ەسەبىنەن 73 ادام كاسىبي وقىتۋ كۋرسىنان وتكەن.
