فوتو: قارجى نارىعىن رەتتەۋ جانە دامىتۋ اگەنتتىگى
قارجى رەتتەۋشىسىنىڭ نەگىزگى شارالارىنىڭ ىشىندە اكتيۆتەردىڭ ساپاسىن تۇراقتى باعالاۋ (AQR), SREP قاداعالاۋ مودەلىنە كوشۋ, بانكتەر قىزمەتىندەگى تاۋەكەلدەردى شەكتەۋ جانە تۇتىنۋشىلىق كرەديت بەرۋدىڭ ءوسۋ قارقىنىن باقىلاۋ شارالارى اتاپ ءوتىلدى. بيىلعى جىلدىڭ قورىتىندىسى بويىنشا اگەنتتىك ساراپشىلارى بولشەك كرەديت بەرۋدىڭ ءوسۋىنىڭ 18-20%-عا دەيىن باياۋلاۋىن كۇتەدى.
S&P كەلەسى جىلى تولەمگە قابىلەتسىز بانكتەردى رەتتەۋدىڭ جاڭا تەتىگىن ەنگىزۋ, ونىڭ ىشىندە جۇيەلىك ماڭىزى بار بانكتەر ءۇشىن كاپيتالعا اينالدىرىلۋعا جاتاتىن مىندەتتەمەلەردىڭ ەڭ تومەنگى دەڭگەيىن ەنگىزۋ جوسپارلانىپ وتىرعانىن اتاپ ءوتتى. بۇل وزگەرىستەر قاداعالاۋ ساپاسىن ودان ءارى جاقسارتۋعا اسەر ەتۋى مۇمكىن.
S&P ەسەبىنە سايكەس, قارجى نارىعىن رەتتەۋ مەن دامىتۋ اگەنتتىگى قابىلداعان شارالار ىقتيمال داعدارىس جاعدايلارىنىڭ جانە بانك جۇيەسىندەگى وپەراتسيالىق ىركىلىستەردىڭ الدىن الۋعا مۇمكىندىك بەردى. اگەنتتىك ساراپشىلارى سەكتوردىڭ ماكروەكونوميكالىق تاۋەكەلدەرگە ورنىقتىلىعىن, سونداي-اق پروبلەمالىق كرەديتتەر دەڭگەيىنىڭ تومەندىگىن (2025 جىلى 5,5-6,0%) جانە رەزەرۆتەرمەن قامتۋ دەڭگەيىنىڭ جوعارى (شامامەن 55%) ەكەنىن اتاپ ءوتتى.
ەسەپتە S&P Global Ratings حالىقارالىق رەيتينگتىك اگەنتتىگى رەتتەۋشىلىك جانە قاداعالاۋ باستامالارى شەڭبەرىندە ودان ءارى ىلگەرىلەۋ بولعان جاعدايدا سالالىق تاۋەكەل باعاسىن جاقسارتۋعا دايىن ەكەنى ايتىلعان.
