فوتو: اشىق دەرەككوزدەن
«بالالاردىڭ بوس ۋاقىتىن ءتيىمدى وتكىزۋ ءۇشىن ءبىز بۇدان دا كوپ شارا قابىلداۋىمىز قاجەت. جاي عانا «تىيىم سالايىق» دەپ ايتۋ جەتكىلىكسىز. بالاعا قاۋىپ توندىرەتىن اتى تانىمال ويىندار بار. اقش-تا, انگليادا دا كوپتەگەن فاكتىلەر تىركەلگەن. مەن ول ويىنداردىڭ اتاۋىن ايتقىم كەلمەيدى, بىراق سونىڭ كەسىرىنەن پەدوفيلدەر بالالارمەن كەزدەسۋلەر ۇيىمداستىرعان جاعدايلار بولدى, ءتىپتى زورلاۋ فاكتىلەرى دە تىركەلدى. سۋيتسيدكە اپارعان وقيعالار دا بار. سوندىقتان بۇل ماسەلەگە راتسيونالدى قاراۋ كەرەك», دەدى ول.
دەپۋتاتتىڭ ايتۋىنشا, ەڭ الدىمەن كەشەندى جۇيەلى ءتاسىل قاجەت.
«بۇل, ەڭ الدىمەن, مەكتەپتەردە سمارتفوندى شەكتەۋ. بەس جانە توعىز جاستاعى بالالار كۇنى بويى TikTok قاراپ, ۆيدەولاردى سىرعىتىپ وتىرا المايدى. بۇل ولاردىڭ دەنساۋلىعىنا كەرى اسەر ەتەدى. بالالار ءۇشىن ۇيىرمەلەر مەن سەكتسيالاردىڭ سانىن ارتتىرۋ دا ماڭىزدى», دەدى ايماعامبەتوۆ.
ول سونداي-اق ەلدە ويىن اۆتوماتتارىنا تىيىم سالىنعانىنا قاراماستان, بالانىڭ وزىمەن بىرگە قالتاسىنا «سول اۆتوماتتىڭ كىشىرەيتىلگەن نۇسقاسىن» الىپ جۇرەتىنىن اتاپ ءوتتى.
«بۇل – تاۋەلدىلىك تۋدىرادى. سوندىقتان كيبەرگيگيەنا, تسيفرلىق ساۋاتتىلىق, كىتاپ وقۋعا باۋلۋ, ءبىر-بىرىمەن تىلدەسۋ – جاساندى ينتەللەكت داۋىرىندە اسا ماڭىزدى. مەكتەپ تەك ساباق وقيتىن ورىن ەمەس, ول – الەۋمەتتەنۋ الاڭى. ءۇزىلىس كەزىندە بالالار ءبىر-بىرىمەن سويلەسۋى كەرەك. بىراق ءبىز نە كورىپ ءجۇرمىز؟ ۇزىلىستە ءار بالا تەلەفون شىعارادى دا, قارىم-قاتىناس, ءوزارا بايلانىس دەگەن بولماي قالادى», دەپ قوستى دەپۋتات.
ەسكە سالايىق, وتكەن اپتادا قازاقستاندا 16 جاسقا دەيىنگى بالالارعا الەۋمەتتىك جەلىلەردى قولدانۋعا تىيىم سالۋ تۋرالى زاڭ جوباسى قوعامدىق تالقىلاۋعا شىعارىلعان ەدى. جوبا تالقىلاۋى 29 جەلتوقسانعا دەيىن جالعاسادى.
سونداي-اق 16 جاسقا دەيىنگى بالالاردىڭ الەۋمەتتىك جەلىلەرگە قولجەتىمدىلىگىن رەتتەيتىن زاڭ جوباسى دا ازىرلەنگەن ەدى.
