اپاتتىڭ الدىن العان ايدوس

جاۋاپكەرشىلىك – ادام بويىنداعى باعالى قاسيەتتەردىڭ ءبىرى. ال, قىزمەت بارىسىنداعى جاۋاپكەرشىلىك قىزمەتتەستەر الدىندا ابىرويلى ەتىپ, تابىسقا جەتەلەيدى. ال كەيدە بۇل قاسيەتتىڭ ادام ءومىرىن ساقتاپ قالۋى دا مۇمكىن. «قازاقستان تەمىر جولى» ۇك» اق-ى جامبىل فيليالىنىڭ قىزمەتكەرى ايدوس سۇلتانبەكوۆ بۇل سوزىمىزگە دالەل بولا الادى. ايدوس جامبىل ۆاگون پايدالانۋ دەپوسىنىڭ جامبىل ستانساسىنداعى وندىرىستىك-تەحنيكالىق ورتالىعىنىڭ (پتو) ۆاگون قاراۋشىسى. سوڭعى ءۇش جىلدىڭ كولەمىندە اتالمىش كاسىپورىندا ءوز ماماندىعى بويىنشا ەڭبەك ەتىپ كەلە جاتقان ول كۇندەلىكتى ۆاگونداردىڭ ءجۇرىس بولىگىن تەكسەرۋمەن اينالىسادى. الايدا, شىلدەنىڭ 24-نەن 25-ىنە قاراعان ءتۇنى كەزەكتى تەكسەرىستەردىڭ بىرىندە جاس مامان قىراعىلىعىنىڭ ار­قاسىندا اۋىر اپاتتىڭ الدىن الدى. انىعىن ايتقاندا, ول مەكەمەنىڭ 11-جولىنا كەلىپ توقتاعان جۇك پويىزىنىڭ ۆاگوندارىن تەكسەرۋ كەزىندە №28082428 ۆاگوننىڭ ءبۇيىر راماسىنىڭ سىنىعىن بايقاپ, دەر كەزىندە ەسكەرتە بىلگەن. كاسىپورىنعا ايدوستى ىزدەپ بار­عانىمىزدا, اۋىسىم­مەن جۇمىسقا تۇسكەن ءساتى ەكەن . – مەن جۇمىس ىستەگەلى بەرى مۇنداي ءىرى كولەمدە اقاۋ انىقتاعان ەمەسپىن. 11-جولعا تاق پويىزدى حابارلاپ, جۇك پويىزى كەلىپ توقتادى. باس اۆتوماتشى رەتىندە ۆاگونداردى قاراپ كەلە جاتىپ باسىنان ساناعاندا ونىنشى ۆاگوننىڭ ءبۇيىر راماسىنداعى سىنىقتى كوزىم شالدى. بۇل جايىندا اعا نۇسقاۋشىعا حابار بەردىم. ىلە وپەراتورعا حابارلاپ, ۆاگوندى شەشىپ, 41-ءشى جولعا قويدىق. شىندىعىندا, مۇنداي جاع­داي­دى باي­قاماعانىمىزدا, ۆاگوننىڭ جولدان شىعۋ قاۋپى بار ەدى. ونىڭ ۇستىنە قاتتى جىلدامدىقتا كەلە جاتىپ قۇلاعان ۆاگون قارسى بەتتەگى جولاۋشىلار ۆاگوندارىنا دا زاقىم كەلتىرەر ەدى. ۆاگوندار ۋكراينادا جا­سال­عان. 2013 جىلدان بەرى قولدانىستا ءجۇر. ءالى دەپولىق قاراۋدان وتپەگەن. دەپولىق قاراۋ بۇل ۆاگوندارعا 2016 جىلعا جوسپارلانعان ەكەن. ءوزىمنىڭ تاڭداعان ماماندىعىم «ۆاگون قاراۋشى». سوندىقتان, بولات جولدىڭ بويىندا ءۇش جىل ەڭبەك ەتسەم, الداعى ەڭ­بەك جولىمدى وسى سالامەن تىعىز بايلانىستىرامىن دەگەن ويدامىن. ءوز كاسىبىمە ادال بولعىم كەلەدى. ونىڭ ءۇس­تىنە نۇسقاۋشىلارىمىزدىڭ وتكىزگەن ءاربىر تەحنيكالىق ساباقتارىنان بىلمەگەنىمىزدى كوڭىلگە ءتۇيىپ, شەبەرلىگىمىزدى شىڭداپ كەلەمىز, – دەيدى ايدوس. جالپى, جامبىل ۆاگون پايدالانۋ دەپوسىنىڭ ۆاگون قاراۋشىلارى 2014-2015 جىل ارالىعىندا 43 ءبۇيىر راماسىنىڭ اقاۋىن انىقتاعان ەكەن. قىراعى ما­مانداردىڭ جۇمىس ساپاسىن ارتتىرۋداعى ۇلەسى وسىنداي. سوندىقتان, دەپو باسشىلىعى تەمىرجولشىلار قاۋىمىنىڭ ءتول كاسىبي مەرە­كەسىندە ۆاگون قاراۋشى ايدوس سۇلتانباەۆتى «قوزعالىس قاۋىپسىزدىگى ءۇشىن» توسبەلگىسىنە ۇسىندى. بۇل قۇرمەتكە ابدەن لايىق ايدوس استاناعا بارىپ, «قازاقستان تەمىر جولى» «ۇك» اق پرە­زيدەنتى اسقار ءماميننىڭ قو­لىنان اتالعان توسبەلگىنى الىپ كەلدى. ورالحان ءداۋىت, «ەگەمەن قازاقستان». جامبىل وبلىسى.