فوتو: اشىق دەرەككوز
Reuters اگەنتتىگىنىڭ دەرەكتەرىنە سۇيەنسەك, جەلتوقسان ايىندا قازاقستان بۇل مارشرۋت ارقىلى شامامەن 50 مىڭ توننا مۇناي تاسىمالداۋدى جوسپارلاپ وتىر.
ايتا كەتەيىك, قاشاعان مۇنايى نەگىزىنەن كاسپي قۇبىر كونسورتسيۋمى (كتك) جۇيەسى ارقىلى ەكسپورتتالۋى ءتيىس ەدى. بۇل جول قازاقستان مۇنايىنىڭ شامامەن 80%-ىن قامتيدى. الايدا, 29 قاراشادا نوۆوروسسيسك قالاسىندا ورنالاسقان پورت اۋدانىنداعى تەڭىز ينفراقۇرىلىمىنا ۇشقىشسىز قۇرىلعىلار شابۋىلداپ, ايلاقتاعى اتق-2 قوندىرعىسى ىستەن شىقتى. تەرمينالدى قالپىنا كەلتىرۋ جۇمىستارى 11-13 جەلتوقسانعا دەيىن سوزىلادى.
قاشاعان مۇنايىن قىتايعا باعىتتاۋ ستراتەگيالىق تۇرعىدان ءتيىمدى شەشىم سانالادى. كەن ورنىن يگەرەتىن NCOC كونسورتسيۋمىنا قىتايلىق CNPC كومپانياسى دا مۇشە. CNPC شامامەن 30 مىڭ توننا مۇناي الادى, ال قالعان 20 مىڭ توننا – كونسورتسيۋمداعى Inpex كومپانياسىنىڭ ۇلەسى.
بۇل قۇبىر قازاقستان مەن قىتايدىڭ شىڭجاڭ ايماعىن بايلانىستىرادى. قازىر باسقا كەن ورىندارىنىڭ مۇنايىن تاسىمالداۋعا پايدالانىلادى. اي سايىن شامامەن 85-86 مىڭ توننا مۇناي وتكىزىلەدى.
