بۇل باعىتتاعى ءتيىمدى قۇرالداردىڭ ءبىرى رەتىندە بۇگىن استانا قالاسىندا قورىتىندىلانعان رەسپۋبليكالىق WorldSkills Kazakhstan چەمپيوناتى - جاس مامانداردى, پەداگوگتەردى, سالالىق ساراپشىلاردى جانە بيزنەس قاۋىمداستىقتى بىرىكتىرگەن ماڭىزدى الاڭعا اينالدى.
چەمپيوناتقا ەلىمىزدىڭ بارلىق وڭىرىنەن 800-دەن استام كوللەدج ستۋدەنتى قاتىستى. بيىلعى چەمپيونات كوللەدج ستۋدەنتتەرى اراسىنداعى باسەكەلەستىكتى كۇشەيتىپ, ولاردىڭ كاسىبي دايارلىعىن جاڭا ساپالىق دەڭگەيگە كوتەردى.
«WorldSkills Kazakhstan – ەلىمىزدەگى كاسىبي ءبىلىم ساپاسىنىڭ نەگىزگى ينديكاتورى جانە داعدىلار مەن قۇزىرەتتىلىكتەردىڭ باستى شەبەرلىك الاڭى. بيىل چەمپيونات 45 قۇزىرەتتىلىك بويىنشا ءوتتى. ءبىز كوللەدج ستۋدەنتتەرىنىڭ كاسىبي دايارلىعىنىڭ ارتقانىنىڭ كۋاسى بولدىق. جىل سايىن قاتىسۋشىلار مەن قۇزىرەتتىلىك سانىنىڭ ارتۋى ءبىل كاسىبي شەبەرلىك دوداسىنا قىزىعۋشىلىقتىڭ ارتقانىن كورسەتەدى. بيىل قاتىسۋشىلار سانى 1,5 ەسە ءوستى. بۇل چەمپيوناتتا ءبىز جاس مامانداردىڭ شىنايى شەبەرلىگىن, ەڭبەكسۇيگىشتىگىن جانە كاسىبي باتىلدىعىن كوردىك. بۇل چەمپيونات جاس ماماندارعا سەرپىن مەن سەنىم بەرەدى», دەدى شىنار اقپاروۆا.
چەمپيونات قورىتىندىسى بويىنشا جالپى مەدالدار سانى 53 التىن, 55 كۇمىس, 59 قولا مەدالدى, سونداي-اق 213 «ەرەكشەلىك» مەدالوندارىن قۇرادى.
جالپىكوماندالىق ەسەپتە الماتى قالاسى – 60 باللمەن ءبىرىنشى ورىنعا شىقتى.
پاۆلودار جانە اقمولا وبلىستارى – 56 باللمەن ەكىنشى ورىندى ءبولىستى.
ال تۇركىستان مەن قاراعاندى وبلىستارى – 55 باللمەن ءۇشىنشى ورىنعا تۇراقتادى.
2025 جىلعى چەمپيوناتتىڭ باستى جاڭالىعى – ەڭبەك نارىعىنداعى سۇرانىس پەن تەحنولوگيالىق ترەندتەرگە ساي 15 جاڭا قۇزىرەتتىلىكتىڭ ەنگىزىلۋى بولدى.
X رەسپۋبليكالىق چەمپيوناتتىڭ جەڭىمپازدارى قازاقستاننىڭ ۇلتتىق قۇرامىنا قوسىلىپ, 2026 جىلى قىتايدا وتەتىن WorldSkills International چەمپيوناتىندا ەل نامىسىن قورعايدى.
ايتا كەتەيىك, چەمپيونات وقۋ-اعارتۋ مينيسترلىگىنىڭ قولداۋىمەن جانە «Talap» كەاق ۇيىمداستىرۋىمەن وتكىزىلدى.
