فوتو: اشىق دەرەككوز
ءمينيستردىڭ سوزىنشە, قازاقستاندا جاڭا تەحنولوگيالاردى كەزەڭ-كەزەڭىمەن ەنگىزۋ كوزدەلىپ وتىر. ول الدىمەن جۇك كولىكتەرىنە قاتىستى پيلوتتىق جوبانى اتاپ ءوتتى.
– 2027 جىلى العاشقى پيلوتسىز جۇك كولىكتەرىن ىسكە قوسۋ جوسپاردا بار. ال پيلوتسىز تاكسي قىزمەتىنە كەلسەك, ول دا جوسپاردا تۇر. زاڭ جوباسىندا پيلوتسىز تاكسيمەن بىرگە اەروتاكسي ماسەلەسىن دە قاراستىرعانبىز. كەلەسى جىلى ول قۇجاتتى پارلامەنتكە ەنگىزەمىز. ءبىز زامان كوشىنەن قالماۋعا, جاڭا تەحنولوگيالاردى قازاقستان اۋماعىندا دا قولدانۋعا تىرىسامىز, – دەدى ن.ساۋرانباەۆ.
مينيستر پيلوتسىز تاكسي ەنگىزۋ كەزىندە قاۋىپسىزدىك ماسەلەسى باستى نازاردا بولاتىنىن اتاپ ءوتتى. سونداي-اق بۇل باعىتتا قىتاي تاجىريبەسىنىڭ زەرتتەلىپ جاتقانىن جەتكىزدى. ونىڭ ايتۋىنشا, قاۋىپسىزدىك تالاپتارى قامتاماسىز ەتىلسە, جوبانى ىسكە اسىرۋعا تولىق مۇمكىندىك تۋادى.
ساۋرانباەۆ 2027 جىلى پيلوتسىز جۇك كولىكتەرىن ەنگىزۋ جوسپارلانىپ وتىرعانىنا توقتالدى. ول پيلوتسىز تاكسي قىزمەتىنىڭ دە بولاشاقتا ىسكە اسۋى مۇمكىن ەكەنىن اتاپ ءوتتى. الەمنىڭ كوپتەگەن قالاسىندا مۇنداي جۇيە قولدانىلا باستاعانىن, بىراق بەلگىلى ءبىر شەكتەۋلەر بار ەكەنىن ءتۇسىندىردى.
مينيستر قىتايدىڭ شەنچجەن قالاسىندا پيلوتسىز تاكسيلەرگە رۇقسات بەرىلگەنىن, الايدا ازىرگە ولاردىڭ ىشىندە قاۋىپسىزدىك ماقساتىندا جۇرگىزۋشى بىرگە وتىراتىنىن مىسالعا كەلتىردى. قازاقستاندا دا ءدال وسىنداي كەزەڭ-كەزەڭىمەن ەنگىزۋ ءتاسىلى قولدانىلۋى مۇمكىن ەكەنىن ايتتى. ونىڭ سوزىنشە, بارلىق شارا جولاۋشىلاردىڭ قاۋىپسىزدىگىن قامتاماسىز ەتۋ ءۇشىن جاسالادى.
