فوتو: Kyodo
تابيعي اپات سالدارىنان كولىك جۇيەسىنىڭ جانە اۋىزسۋ جەتكىزۋ جەلىلەرىنىڭ جۇمىسى بۇزىلدى. جەرگىلىكتى بيلىك بۇدان دا كۇشتىرەك جەر سىلكىنىسى تاعى بىرقاتار اۋداندا قايتالانۋ قاۋپى بار ەكەنىن ەسكەرتتى. مەكتەپتەردە ساباق توقتاتىلدى.
جاپونيانىڭ مەتەورولوگيالىق اگەنتتىگى حابارلاعانداي, 23:15-تە اوموري پرەفەكتۋراسىنىڭ شىعىس جاعالاۋىندا, 54 شاقىرىم تەرەڭدىكتە تىركەلگەن جەر سىلكىنىسىنەن كەيىن الداعى كۇندەرى ءدال سول ايماقتا ماگنيتۋداسى وسىعان تەڭ نەمەسە ودان دا جوعارى ءدۇمپۋ قايتالانۋى مۇمكىن.
ۇكىمەتتىڭ مالىمەتىنشە, اوموري مەن يۆاتە پرەفەكتۋرالارىندا شامامەن 1360 ءۇي سۋ قۇبىرلارىنىڭ زاقىمدانۋىنىڭ سالدارىنان سۋسىز قالدى.
جەرگىلىكتى ءبىلىم مينيسترلىگى مەن بيلىك تاراتقان اقپاراتقا سايكەس, اوموري پرەفەكتۋراسىنداعى 139 مەملەكەتتىك مەكتەپتە, نەگىزگى جانە ورتا مەكتەپتە, سونداي-اق حوككايدوداعى 48 مەكتەپتە ساباقتار توقتاتىلدى.
جاپونيانىڭ مەتەورولوگيالىق اگەنتتىگى جەر سىلكىنىسىنەن كەيىن بيىكتىگى 3 مەترگە دەيىن جەتەتىن تسۋنامي تۋرالى ەسكەرتۋ جاريالادى. الايدا يۆاتە پرەفەكتۋراسىندا تىركەلگەن تسۋنامي تولقىنىنىڭ ەڭ جوعارعى بيىكتىگى 70 سانتيمەترگە جەتكەن.
ايتا كەتەيىك, كۇنى كەشە انتاليادا ماگنيتۋداسى 4,9 بولاتىن جەر سىلكىنىسى تىركەلگەن ەدى.
