فەستيۆال AI-Sana مەملەكەتتىك باعدارلاماسى اياسىندا تيمۋر ق ۇلىباەۆتىڭ HALYK قايىرىمدىلىق قورىنىڭ قولداۋىمەن, NNEF قوعامدىق قورى مەن قۇرامىنا IITU, KBTU, UIB, Astana IT University كىرەتىن University Alliance of Science and Technology جوعارى وقۋ ورىندارى اليانسىنىڭ ۇيىمداستىرۋىمەن ءوتتى.
IT FEST 2025 بيىل 14-ءشى رەت مەكتەپ وقۋشىلارى مەن ستۋدەنتتەردى تسيفرلىق داعدىلاردى قالىپتاستىرىپ, جاڭا تەحنولوگيالارعا قىزىعۋشىلىعىن ارتتىرۋمەن قاتار جاساندى ينتەللەكتى ناسيحاتتاۋ ماقساتىندا ءبىر الاڭعا جينادى.
فەستيۆالدىڭ اشىلۋ سالتاناتىندا عىلىم جانە جوعارى ءبىلىم ءمينيسترى ساياسات نۇربەك مەملەكەت باسشىسىنىڭ جولداۋىندا ايتىلعان جاساندى ينتەللەكت تەحنولوگيالارى ماماندارىن دايارلاۋدىڭ ماڭىزىن اتاپ ءوتتى. ايتۋىنشا, 3 جىلدا ەلىمىز تولىققاندى تسيفرلى مەملەكەتكە اينالۋى قاجەت.
«بىلتىردان بەرى قازاقستان جاستارىنىڭ تسيفرلى قۇزىرەتتەرىن دامىتۋعا باعىتتالعان AI-Sana باعدارلاماسى ىسكە اسا باستادى. باعدارلاما جاساندى ينتەللەكت جانە AI-كاسىپكەرلىك سالاسىندا جاڭا بۋىن ماماندارىن دايارلاۋدى كوزدەيدى. قازىردىڭ وزىندە 600 مىڭعا جۋىق ستۋدەنت ارنايى مودۋلدەردەن ءوتىپ, سەرتيفيكات الدى. بۇل مودۋلدەر جاساندى ينتەللەكت سالاسىندا ستارتاپ جاساۋ, كاسىپكەرلىك نەگىزدەرىنە باۋليدى. كەلەسى كەزەڭدەردە AstanaHub اياسىندا ينكۋباتسيا, اكسەلەراتسيا جانە ۆەنچۋرلىق قورلار جيناقتالىپ جاتىر. ونىڭ بارىسىندا جىل سوڭىنا دەيىن مىڭعا جۋىق كوماندا, ستارتاپتار دايىندالادى. ەلىمىزدىڭ تسيفرلىق داۋىرگە ناقتى قادام باسۋى تەحنولوگيا ءتىلىن مەڭگەرگەن جاس بۋىننىڭ ەنشىسىندە» دەدى مينيستر.
جاساندى ينتەللەكت جانە تسيرفلى دامۋ ۆيتسە-ءمينيسترى دميتري مۋننىڭ ايتۋىنشا, الداعى ءۇش جىلدا تسيفرلى مەملەكەتكە اينالا وتىرىپ, بارلىق سالالار ساپالى جاساندى ينتەللەكتپەن قامتاماسىز ەتىلەتىن بولادى. ول ءۇشىن AI-Sana اياسىندا ساپالى كادرلار دايارلاۋ مىندەتى تۇر. مۇنداي ءىس-شارالار ەلىمىزدىڭ بارلىق ايماقتارىن قامتيدى. قازىرگى كەزدە جاساندى ينتەللەكت سالاسىندا تاجىريبە جيناۋ ماقساتىندا شەتەلدەرمەن دۋالدى ءبىلىم الماسۋ جولعا قويىلعان. AstanaHub-تا 2,5 مىڭنان استام, سونداي-اق ەل وڭىرلەرىندە ءوز ستارتاپتارى تىركەلگەن بولسا, ولاردىڭ بولاشاقتا نارىققا ەنگىزۋ مىندەتى تۇر.
جاستار فەستيۆالىنىڭ جەڭىمپازدارىنا تيمۋر ق ۇلىباەۆتىڭ HALYK قايىرىمدىلىق قورى تاراپىنان 10 ملن تەڭگە قاراستىرىلعان. قوردىڭ باسقارۋشى ديرەكتورى ناريمان ابىلشايىقوۆ اتاپ وتكەندەي, فەستيۆالدىڭ ماقساتى ەلىمىزدەگى IT سالاداعى مىقتى مامانداردى ىرىكتەۋ.
«ال ءبىلىم سالاسىن تۇراقتى قولداپ وتىرۋ – قوردىڭ باسىم مىندەتتەرىنىڭ ءبىرى. قور تاراپىنان سوڭعى ەكى جىلدا ءبىلىم سالاسىن قولداۋعا 9 ملرد تەڭگە بولىنسە, الەۋمەتتىك جاعدايى تومەن وتباسىلارعا 2,8 ملرد تەڭگە شاماسىندا گرانت بەرىلدى. جوعارى وقۋ ورىندارىنىڭ اليانسىمەن بىرلەسىپ, ءبىلىم سالاسى فەستيۆالدەرىنە قولداۋ تۇراقتى كورسەتىلىپ كەلەدى. وعان سوڭعى كەزدە 200 ملن تەڭگەدەن استام قارجى ءبولىندى» دەدى ن.ابىلشايىقوۆ.
استانا ءىت ۋنيۆەرسيتەتىنىڭ رەكتورى التاير احمەتوۆتىڭ ايتۋىنشا, نارىققا ناقتى شەشىمدەرمەن جۇمىس ىستەيتىن ماماندار قاجەت. وسى ماقساتتا جىلدان-جىلعا حالىقارالىق ىنتىماقتاستىق دامىپ كەلەدى. ۋنيۆەرسيتەت ستۋدەنتتەرىنىڭ روبوتوتەحنيكا جانە ۇشقىشسىز ۇشۋ اپپاراتتارى سالاسىنداعى تەحنيكالىق ازىرلەمەلەرى, جي مەحانيزمدەرىن پايدالانىپ اۋرۋدى ەرتە دياگنوستيكالاۋ, اۋىل شارۋاشىلىعىنا ارنالعان, تاعى باسقا جوبالارىنىڭ ماڭىزى جوعارى.
بيىل فەستيۆالدە 3 مىڭنان استام وقۋشى, ستۋدەنتتەر, جاس ماماندار, ستارتاپ كوماندالار 8 ماڭىزدى سەكتسيا بويىنشا باق سىناسىپ, قاتىسۋشىلار 24 ساعات بويى تەحنولوگيالىق كەيستەردى ورىندادى.
IT FEST-تە ۆەتنامنىڭ Univer Sea كومانداسى 1-ورىن, ءال-فارابي اتىنداعى قازاق ۇلتتىق ۋنيۆەرسيتەتىنىڭ «Mimi cats» كومانداسى 2-ورىن, استانا IT ۋنيۆەرسيتەتىنىڭ «Pelmeni» كومانداسى 3-ورىن يەگەرى اتاندى. يسماگزي يساتاي ۋنيۆەرسيتەتتىڭ جىلدىق وقۋ اقىسىنا 100% جەڭىلدىككە, سەيتباي الديار 75% جەڭىلدىككە يە بولدى. مانسۋر ماماداحۋنوۆ CYBERSECURITY CTF جەڭىمپازى اتاندى.
Hackathon سەكتسياسىندا تسيفرلى ۋنيۆەرسيتەت جۇلدە قورى 150 000 تەڭگەلىك 3-ورىنعا يە بولدى. تسيفرلى ۋنيۆەرسيتەت ZERO كومانداسى 2-ورىندى (جۇلدە قورى 200 000 تەڭگە), IN VISION كومانداسى 1-ورىندى (جۇلدە قورى 250 000 تەڭگە) يەلەندى.
No Success Hackathon: No Failures كومانداسى, تسيفرلى مەكتەبى مەن تسيفرلىق ۋنيۆەرسيتەت 3-ورىن (جۇلدە قورى 150 مىڭ تەڭگە) الدى.
Hackathon سەكتسياسىندا: Digital University ZERO كومانداسى 2-ورىنعا (جۇلدە قورى 200 000 تەڭگە), IN VISION كومانداسى 1-ورىنعا (جۇلدە قورى 250 000 تەڭگە) يە بولدى. No Fail كومانداسى ماراپاتتالدى.
Digital School 3-ورىندى (جۇلدە قورى 150 000 تەڭگە), Qore كومانداسى 2 ورىندى (جۇلدە قورى 200 000 تەڭگە), تەرميناتور كومانداسى 1 ورىندى (جۇلدە قورى 250 000 تەڭگە) يەلەندى. سونداي-اق وسى كوماندالارعا مۋيت-تە جىلدىق وقۋ اقىسىنا 50%, 75%, 100% جەڭىلدىك بەرىلدى. جۇلدە قورى 1 500 مىڭ تەڭگەنى قۇرايتىن «قازاقتەلەكوم» كومپانياسىنىڭ ارنايى سىيلىعىن «سالام براتكا» كومانداسى جەڭىپ الدى.
فەستيۆالدە Startup Battle – AI/ML جوبالارىن قولدانسا, CyberSecurity CTF – كيبەرقاۋىپسىزدىك بويىنشا تاجىريبەلىك تاپسىرمالاردى قۇرادى. CyberSport – CS2 بويىنشا تۋرنيرلەر, Dota 2 مەن FIFA, Movie & Video – قىسقا مەتراجدى فيلمدەر مەن AI-كونتەنت, Design & Animation – webtoon, گرافيكا, انيماتسيا, ITFEST Cup (ICPC) – الگوريتمدەردەن جارىسسا, Robo Competition– روبوتوتەحنيكا جانە ينجەنەرلىك ازىرلەمەلەرى بويىنشا سايىسقا ءتۇستى.
الماتى
