فوتو: استانا اكىمدىگى
الماتىلىق كەزەڭ وسىعان دەيىن استانا ماڭىندا وتكىزىلگەن ور قويانعا جۇرگىزىلگەن سىناقتاردىڭ جالعاسى ىسپەتتى بولدى. بيىل يتتەر قۇم قويانىنا ارنالعان كۇردەلى تاپسىرمالاردى ورىنداپ, قابىلەتتەرىن ارتتىردى. ور قويان جۇگىرگەندە ءبىر باعىتتا جىلدام قوزعالادى, ال قۇم قويانى ءاردايىم باعىتىن وزگەرتىپ تۇرادى, سوندىقتان تازى وتە جىلدام قوزعالۋى قاجەت جانە اڭشىلىق قاسيەتى دامىعان بولۋى شارت.
استانا قالاسى اكىمدىگىنىڭ رەسمي سايتىنىڭ حابارلاۋىنشا, ساراپشىلار كوميسسياسى «قازاق تازىسى» تۇقىمىنىڭ تاجىريبەلى ماماندارىنان قۇرالدى. باعالاۋ كەزىندە ءيتتىڭ جىلدامدىعى, مانەۆرلىك قابىلەتى, اڭشىلىق سەزىمتالدىعى, توزىمدىلىگى, شەبەرلىگى ەسكەرىلدى.
جۇلدەگەرلەر:
1 ورىن – ارەكەت, يەسى: «NOMAD» ۇلتتىق اڭشىلىق كلۋبى (استانا);
2 ورىن – ادىرنا, يەسى: «NOMAD» ۇلتتىق اڭشىلىق كلۋبى (استانا);
3 ورىن – قابىلان, يەسى: ەرنار مۋپتەكەەۆ.
