جامبىل وبلىسى اكىمدىگى ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسىنىڭ باسشىسى عالىم يساقوۆتىڭ ايتۋىنشا, وڭىردەگى ەلدى مەكەندەردى تازا اۋىز سۋمەن قامتاماسىز ەتۋ جۇمىسى تالاپقا ساي جۇرگىزىلىپ جاتىر.
«بۇگىندە ورتالىقتاندىرىلعان تازا اۋىز سۋ قۇبىرىن جۇرگىزۋ بويىنشا 19 ەلدى مەكەندە جانە 5 تۇرعىن الاپتىڭ قۇرىلىس جۇمىستارى تولىق اياقتالىپ, تۇرعىندار ساپالى اۋىز سۋمەن قامتاماسىز ەتىلدى. سونداي-اق 3 ەلدى مەكەن مەن 4 تۇرعىن الاپتىڭ قۇرىلىس جۇمىستارى اياقتالىپ, نىسانداردى قابىلداۋ-تاپسىرۋ جۇمىستارى جۇرگىزىلۋدە. قالعان 2 نىسانداعى قۇرىلىس كولەمى 90 پايىزعا دەيىن اياقتالىپ وتىر. جالپى بارلىق نىساندارداعى قۇرىلىس جۇمىستارى تۇراقتى باقىلاۋدا. جىل سوڭىنا دەيىن بارلىق نىساندارداعى قۇرىلىس جۇمىستارىن اياقتاپ, تۇرعىندار 100 پايىز ساپالى اۋىز سۋمەن قامتىلادى», دەيدى باسقارما باسشىسى.
