اتىراۋ قالالىق پوليتسيا باسقارماسىنىڭ قوعامدىق قاۋىپسىزدىك ءبولىمى باستىعىنىڭ ورىنباسارى ماحسوت امانگەرەي ۇلىنىڭ ايتۋىنشا, بيىلعى 11 ايدا كامەلەتكە تولماعاندارعا قارسى جاسالعان قىلمىس 13,7%, بالالار اراسىنداعى جىنىستىق سيپاتتاعى زاڭسىز ارەكەتتەر 25,6% تومەندەگەن.
«جاسوسپىرىمدەر اراسىنداعى قىلمىستىڭ وتكەن جىلدىڭ وسى كەزەڭىمەن سالىستىرعاندا وسكەنى بايقالادى. وسى كەزگە دەيىن 235 وقۋشى مەكتەپىشىلىك ەسەپكە الىندى. ال ءتۇرلى قۇقىق بۇزۋشىلىق جاساعان 187 بالا پوليتسيا ەسەبىندە تۇر. بالا تاربيەسىمەن اينالىسپاي وتىرعان 200-گە جۋىق اتا-انا باقىلاۋعا الىندى», دەيدى ماحسوت امانگەرەي ۇلى.
وبلىستىق ءبىلىم باسقارماسىنىڭ ءبولىم باسشىسى دۋلات ءحامزيننىڭ دەرەگىنە قاراعاندا, 227 مەكتەپتە اتا-انالاردى قولدايتىن پەداگوگيكالىق ورتالىق قۇرىلعان.
«جاڭا وقۋ جىلى باستالعالى چات ارقىلى بالالاردىڭ قاۋىپسىزدىگى مەن تاربيەسىنە قاتىستى اقپاراتتار مەن ەسكەرتۋلەر تاراتىلدى. جاسوسىپىرىمدەر اراسىنداعى قۇقىق بۇزۋشىلىقتىڭ باسىم بولىگى ساباقتان كەيىنگى كەشكى مەزگىلدە جاسالادى», دۋلات حامزين.
