فوتو: instagram/janibek_alimkhanuly
قازاقستاننىڭ ەڭبەك سىڭىرگەن سپورت شەبەرى جۇمابەك ومىرزاقوۆ sportarena.kz سايتىنا بەرگەن سۇحباتىندا جانىبەك ءالىمحان ۇلىنىڭ ەندى ءىرى جەكپە-جەكتەر وتكىزبەۋى ىقتيمال ەكەنىن ايتتى.
«جانىبەك مەلدوني پرەپاراتىن قولدانۋ تۋرالى ويلاماعان بولۋ كەرەك. مەنىڭشە, وعان بۇل ۇسىنىستى كوماندالاستارى جاسادى نەمەسە ءبىر جەردەن ەستىدى. سەبەبى كۋبالىق قابىلان ەريسلاندي لاراعا قارسى 12 راۋند بويى جۇدىرىقتاسۋ ءۇشىن كارديو كەرەك. ال جانىبەك تولىق جەكپە-جەككە توتەپ بەرمەيتىنىن سەزدى. لارانىڭ بويىندا كۋبالىق بوكس مەكتەبىنىڭ شەبەرلىگى قالىپتاسقان ءارى 42 جاسقا دەيىن جيعان تاجىريبەسى بار. ەندى جانىبەك الىمحان ۇلىمەن جۇدىرىقتاسۋعا ەشكىم كەلىسىم بەرمەۋى مۇمكىن. بۇل ارەكەتىمەن ول ءوزىنىڭ مانسابىن تىعىرىققا تىرەدى», دەدى جۇمابەك ومىرزاقوۆ.
ايتا كەتەيىك,ء الىمحان ۇلىنىڭ ناقتى دوپينگ قولدانعان-قولدانباعانى زەرتتەلىپ جاتىر.
«Qazaq Style» كومانداسى بۇل جاڭالىقتى ەستىگىندە تاڭعالعانىن جاسىرمادى.
ال ەلىمىزدىڭ سپورت جانە تۋريزم مينيسترلىگى ماسەلەگە ارالاسىپ, قاجەتتى شارالاردى ورىنداۋ ءۇشىن وتانداسىمىزعا قولداۋ كورسەتەتىنىن مالىمدەدى.
قازاقستان كاسىبي بوكس فەدەراتسياسىنىڭ پرەزيدەنتى دە دوپينگ داۋىنا قاتىستى پىكىر ءبىلدىردى.
