جوبانىڭ ينۆەستورى پولشانىڭ «Fabe-Agro» كومپانياسى. ينۆەستيتسيا قۇنى 137 ملن دوللار. جىلىجاي قالانىڭ مارتوبە تۇرعىن الابىندا, 144 گەكتار الاڭدا بوي كوتەرەدى. قازىرگى تاڭدا ول جەرگە ينفراقۇرىلىم جەلىسى تارتىلىپ جاتىر.
ايماقتاعى ءىرى اگروونەركاسىپ كەشەنى ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋگە اتسالىسادى. ماماندار جىلىجايدا جاڭا تەحنولوگيالار قولدانىلاتىنىن ايتادى. ول ءوز كەزەگىندە ەڭبەك ونىمدىلىگىن ارتتىرۋعا, كوكونىستەن مول ءونىم الۋعا سەپتىگىن تيگىزەدى. ەڭ باستىسى جاڭا تەحنولوگيانىڭ ارقاسىندا ونىمدەر تەك تابيعي تۇردە عانا وندىرىلەتىن بولادى. سونىمەن بىرگە جىل ون ەكى اي ىشكى نارىقتىڭ جاڭا پىسكەن جەرگىلىكتى ونىممەن قامتاماسىز ەتىلۋى باعانىڭ تۇراقتالۋىنا دا ءوزىنىڭ وڭ اسەرىن تيگىزەدى.
ايتا كەتۋ كەرەك, شىمكەنتتە وسىنداي ءىرى اگروونەركاسىپ كەشەنى سالاسىنىڭ بىرنەشە جوباسى ىسكە اسىپ جاتىر. سونىڭ ىشىندە تۇرىك ينۆەستورلارىنىڭ قاتىسۋىمەن قولعا الىنىپ جاتقان جىلىجاي كەشەنىن اتاۋعا بولادى. ونىڭ دا اۋماعى بىرنەشە گەكتار القاپتى قۇرايدى.
شىمكەنت
