قازاقستان رەسپۋبليكاسى پرەزيدەنتىنىڭ جارلىعى № 62

ب.ب.اتامقۇلوۆتى وڭتۇستىك قازاقستان وبلىسىنىڭ اكىمى قىزمەتىنە تاعايىنداۋ تۋرالى بەيبىت باكىر ۇلى اتامقۇلوۆ وڭتۇستىك قازاقستان وبلىسىنىڭ اكىمى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ استانا, اقوردا, 2015 جىلعى 8 تامىز. № 62 بەيبىت باكىر ۇلى اتامقۇلوۆ 1964 جىلى تۋعان. ۆ.ي.لەنين اتىنداعى قازاق پوليتەحنيكالىق ينستيتۋتىن, سانكت-پەتەربۋرگ مەملەكەتتىك ەكونوميكا جانە قارجى ۋنيۆەرسيتەتىن بىتىرگەن. ەكونوميكا عىلىمدارىنىڭ كانديداتى. ەڭبەك جولىن نوريلسك تاۋ-كەن مەتاللۋرگيا كومبيناتىنىڭ (كسرو) مىس قورىتاتىن زاۋىتىندا بالقىتۋشى بولىپ باستادى, 1985-1991 جىلدارى شىمكەنت قورعاسىن زاۋىتىندا مەتالل بالقىتۋشى, اۋىسىم شەبەرى, ينجەنەر-تەحنولوگ, جەتەكشى ينجەنەر بولىپ جۇمىس ىستەدى. 1991-2006 جىلدار ارالىعىندا كوممەرتسيالىق قۇرىلىمداردا باسشىلىق قىزمەتتەر اتقاردى. 2006-2012 جىلدارى ديپلوماتيالىق قىزمەتتە بولدى. قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ يندونەزيا رەسپۋبليكاسىنداعى, برۋنەي-دارۋسسالامداعى, فيليپپين رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقارۋشى بولىپ تاعايىندالعان. 2012 جىلعى قازاننان قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى بولدى. 2014 جىلعى تامىزدان – قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جاۋاپتى حاتشىسى.