فوتو: وقۋ-اعارتۋ مينيسترلىگى
كەزدەسۋدە اۋىل اكىمدەرى ماگيستراتۋرا بىتىرگەن پەداگوگتەرگە بىلىكتىلىك ساناتىن اۆتوماتتى تاعايىنداۋ تۋرالى ۇسىنىستارىن ورتاعا سالدى.
جۇلدىز سۇلەيمەنوۆا ماسەلەگە قاتىستى پىكىرىن ايتىپ, سوڭعى ۋاقىتتا قوعامدا ۇلكەن پىكىرتالاس تۋدىرعان پەداگوگ-زەرتتەۋشىلەردىڭ اۆتورلىق باعدارلاماسىنا قاتىستى دا ءسوز قوزعادى.
«مەملەكەت باسشىسى قاسىم-جومارت كەمەل ۇلى توقاەۆ پەداگوگتەردى قورعاۋدى جانە قولداۋدى تاپسىردى. بۇگىندە وسى باعىتتا «پەداگوگ مارتەبەسى تۋرالى» زاڭعا وزگەرىستەر ەنگىزىلىپ جاتىر. مينيسترلىك پەداگوگيكالىق قاۋىمداستىقتىڭ ۇسىنىس-پىكىرلەرىن ەسكەرە وتىرىپ, ۇستازداردى اتتەستاتتاۋ قاعيدالارىن قايتا قاراۋ ماسەلەسىن پىسىقتاۋدا. ونىڭ ىشىندە ۇستازداردىڭ اۆتورلىق باعدارلاما ازىرلەۋىنە قاتىستى ماسەلە بۇگىندە وزەكتى بولىپ وتىر. ال ماگيستراتۋرا بىتىرگەن ۇستازدارعا بىردەن بىلىكتىلىك ساناتىن بەرۋ جونىندەگى ۇسىنىسقا مەن قارسىمىن. سەبەبى, ورتا ءبىلىم جۇيەسىندە مۇعالىمنىڭ بىلىكتىلىگى ونىڭ ساباق بەرۋدەگى كاسىبي شەبەرلىگىنىڭ دەڭگەيىنە قاراي باعالانۋى ءتيىس», دەدى جۇلدىز سۇلەيمەنوۆا.
مينيستر كەزدەسۋدە شاعىن جيناقتى مەكتەپتەردى قولداۋ شارالارى كۇشەيتىلەتىنىن دە ايتتى. وسى باعىتتا اۋىل مەكتەپتەرىندەگى ءبىلىم ساپاسىن جاقسارتۋ, وقۋ ۇدەرىسىنىڭ تيىمدىلىگىن ارتتىرۋ شارالارى قابىلدانىپ جاتىر.
