فوتو: freepik.com
الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى بەرىكبول ماندىباەۆتىڭ ايتۋىنشا, مولشەرلەمەنى 3% دەڭگەيىندە ساقتاۋ كاسىپكەرلەرگە تۇسەتىن قوسىمشا جۇكتەمەنى ازايتادى.
بۇگىندە الماتىداعى شاعىن بيزنەس سۋبەكتىلەرىنىڭ باسىم بولىگى 3% مولشەرلەمەمەن قولدانىستاعى جەڭىلدەتىلگەن رەجيمدە جۇمىس ىستەيدى. ەگەر مولشەرلەمە ارتسا, كومپانيالاردىڭ قارجىلىق تۇراقتىلىعىنا تەرىس اسەر ەتۋى ىقتيمال.
سالىق سالاسىنداعى وزگەرىستەردىڭ ءبىرى – B2C سەگمەنتى. بۇل ساناتقا ءۇي ماڭىنداعى دۇكەندەر, قىزمەت كورسەتۋ ورتالىقتارى, سۇلۋلىق سالوندارى, جوندەۋ شەبەرحانالارى جانە حالىققا باعىتتالعان وزگە دە كاسىپورىندار ەنەدى. جاڭا تالاپتارعا سايكەس, جالپىعا بىردەي تارتىپپەن جۇمىس ىستەيتىن بيزنەس اسر قولداناتىن كومپانيالاردان الىنعان تاۋارلار مەن قىزمەتتەردى شىعىس رەتىندە ەسەپتەمەيدى. بۇل سەرىكتەستىك تىزبەكتەرىنىڭ قىسقارۋىنا اكەلۋى مۇمكىن. سوندىقتان مولشەرلەمەنى 3% دەڭگەيىندە ساقتاۋ شەشىمى الماتىنىڭ شاعىن جانە ميكروبيزنەسىنىڭ باسەكەگە قابىلەتتىلىگىن قورعاۋعا باعىتتالعان.
دەپۋتاتتار باستامانى قولداي وتىرىپ, سالىق مولشەرلەمەسىن تومەندەتۋ قالا بيۋدجەتىنىڭ كىرىس بولىگىنە ىقپال ەتۋى مۇمكىن ەكەنىن اتاپ ءوتتى.
ءوز كەزەگىندە الماتى قالاسى اكىمىنىڭ ورىنباسارى ولجاس سماعۇلوۆ بۇل ماسەلە دەپۋتاتتارمەن, بيزنەس قاۋىمداستىعىمەن جانە مەملەكەتتىك كىرىستەر دەپارتامەنتىمەن ەگجەي-تەگجەيلى تالقىلانعانىن ايتتى.
ء«بىزدىڭ مىندەتىمىز – سالىق بازاسىن كەڭەيتۋ, كاسىپكەرلىك بەلسەندىلىكتى قولداۋ. بارلىق تاۋەكەل ەسكەرىلگەننەن كەيىن مولشەرلەمەنى 3%-عا دەيىن تومەندەتۋ ۇسىنىسى ەنگىزىلدى. بۇل – 200 مىڭ الماتىلىق كاسىپكەردىڭ تاعدىرىنا قاتىستى ماسەلە. بيۋدجەت شىعىندارى بويىنشا تاۋەكەلدەردىڭ وتەلەتىنىنە سەنىمدىمىز. قابىلدانعان شەشىم بيزنەستىڭ كولەڭكەدەن شىعۋىنا, كاسىپكەرلىكتىڭ جاندانۋىنا جانە كومپانيالاردىڭ باسقا وڭىرلەرگە تىركەلۋىنىڭ الدىن الۋعا ىقپال ەتەدى. جالپى العاندا, ءبىر جىل ىشىندە سالىق بازاسىنىڭ ازايماي, كەرىسىنشە ۇلعايۋىن كۇتەمىز. سونىمەن قاتار كەلەسى جىلى رەسپۋبليكالىق بيۋدجەتكە 490 ملرد تەڭگە كولەمىندە قوماقتى قاراجات بەرۋ جوسپارلانعان (بيىل – 250 ملرد). سوعان قاراماستان, ءبىز الماتىلىق كاسىپكەرلەردى قولداۋ جونىندە شەشىم قابىلدادىق», دەدى قالا اكىمىنىڭ ورىنباسارى ولجاس سماعۇلوۆ.
