بۇعان دەيىن ناۋقاستاردى قالاداعى ءتۇرلى ەمحاناعا اپارۋعا تۋرا كەلەتىن بولسا, ەندى قاجەت دياگنوستيكالىق, العاشقى كومەك جانە ديسپانسەرلىك باقىلاۋ وسى مەكەمەنىڭ ىشىندە جۇرگىزىلەدى. امبۋلاتوريا زاماناۋي قۇرالدارمەن جابدىقتالعان, تەراپەۆت, پسيحياتر, ۋرولوگ, تراۆماتولوگ, گينەكولوگ سەكىلدى 11 مامان جۇمىس ىستەيدى. ستوماتولوگيا كابينەتى مەن سكرينينگ جۇرگىزۋگە دە جاعداي قاراستىرىلعان.
№1 قالالىق ەمحانا ديرەكتورى ءلايلا تولەۋحانوۆا يزولياتوردا 400-دەن استام ادام بارىن, ولاردىڭ تۇراقتى تەكسەرۋدەن ءوتىپ, ديسپانسەرلىك ەسەپتەگى 17 ادام تەگىن دارىمەن قامتىلعانىن اتاپ ءوتتى.
سونىمەن بىرگە, مەكەمە ونلاين-كونسيليۋم وتكىزۋگە مۇمكىندىك بەرەتىن جۇيەمەن جابدىقتالعان. پروكۋراتۋرا وكىلدەرى بۇل نىساننىڭ اشىلۋىن ازاماتتاردىڭ قۇقىقتارىن قورعاۋداعى ماڭىزدى الەۋمەتتىك قادام دەپ باعالاپ وتىر.
