South China Morning Post باسىلىمىنىڭ جازۋىنشا, مەرت بولعانداردىڭ دەنەلەرى پاتەرلەردەن, باسپالداقتار مەن دالىزدەردەن تابىلعان. وقيعا بويىنشا قىلمىستىق تەرگەۋ باستالدى.
نەگىزگى مالىمەتتەر:
- قازا تاپقاندار – 146 ادام, ونىڭ ىشىندە ءبىر ءورت ءسوندىرۋشى بار.
- 79 ادام جاراقات العان (اراسىندا 12 ءورت ءسوندىرۋشى).
- شامامەن 40 ادام ءىز-ءتۇزسىز جوعالعان دەپ تانىلعان. تاعى 100-گە جۋىق جاعداي «انىقتالماعان» ساناتىنا جاتقىزىلعان.
- تۇرعىن كەشەندەگى سەگىز بلوك 2024 جىلدىڭ شىلدەسىنەن بەرى جوندەۋدە بولعان, عيماراتتار بامبۋك تۇرقىلارىمەن جانە جاسىل قۇرىلىس تورلارىمەن قاپتالعان.
- ءورتتىڭ تەز تارالۋىنا جوندەۋ كەزىندە قولدانىلعان جانعىش پەنوپوليستيرول سەبەپ بولعان.
- ءۇش كۇندىك جالپىۇلتتىق ازا كۇنى جاريالاندى, بارلىق مەملەكەتتىك نىسانداردا تۋلار تومەن ءتۇسىرىلدى.
- جەتى يندونەزيالىق قۇتقارۋشىنىڭ قازا تاپقانى راستالدى, تاعى 79-ى جوعالعان.
- قىتاي بيلىگى گونكونگتىڭ قۇتقارۋ شارالارىن جوعارى باعالاپ, قولداۋ كورسەتۋگە دايىن ەكەنىن مالىمدەدى.
جەكسەنبى كۇنى قارالى وقيعادان ەڭسەسى ەزىلگەن قالا تۇرعىندارى ءورت ورنىنا جانە قالانىڭ ءار بولىگىندەگى ارنايى قويىلعان ورىندارعا گۇل شوقتارىن اكەلىپ, مارقۇمدارعا قۇرمەت كورسەتتى. ازالى توپتىڭ كەزەگى تاي ۆو ستانتسياسىنا دەيىن 2 شاقىرىمعا سوزىلعان.
