بقو سوتىنىڭ ءباسپاسوز قىزمەتىنەن ءمالىم ەتكەنىندەي, ايەلدىڭ 2022 جىلدىڭ قىركۇيەگىندە العان رەسەي فەدەراتسياسىنىڭ ازاماتتىعى بار ەكەنى انىقتالعان, الايدا ول بۇل تۋرالى ۋاكىلەتتى ورگاندارعا ۋاقىتىلى حابارلاماعان.
ءىس اكىمشىلىك قۇقىق بۇزۋشىلىقتار تۋرالى كودەكستىڭ 496-بابى 2-بولىگىنە (وزگە مەملەكەتتىڭ ازاماتتىعى تۋرالى ۋاكىلەتتى ورگاندارعا حابارلاماۋ) سايكەس قوزعالعان.
سوتتا ازاماتشا شەتەل ازاماتتىعىن العاننان كەيىن قازاقستان رەسپۋبليكاسىنىڭ مەملەكەتتىك ورگاندارىن حابارلاۋ جونىندەگى زاڭمەن بەكىتىلگەن مىندەتىن ورىنداماعانى بەلگىلى بولدى.
سوت وتىرىسىندا قۇقىق بۇزۋشى ءوز كىناسىن تولىق مويىندادى, بۇل جاعداي سوتپەن جەڭىلدەتەتىن ءمان-جاي رەتىندە ەسكەرىلدى.
بارلىق ءمان-جايلاردى ەسكەرە وتىرىپ, سوت ۆ-نى اتالمىش كودەكستىڭ 496-بابى 2-بولىگى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىپ, وعان 393 200 تەڭگە مولشەرىندە اكىمشىلىك ايىپپۇل سالدى. قاۋلى زاڭدى كۇشىنە ەنگەن جوق.
